Popular Bible Verses from योहान 21

Share

खाणो खाणेन बाद येसु शिमोन पतरस काजे कोयू, “हे शिमोन योहानोन पुऱ्यु, काय तू इंदरे गोथो बोढीन मार पोर मोंग कोरे?” चू तीना काजे कोयू, “होव, प्रभू; तू ते जानतलु छे कि मे तार पोर मोंग कोरतेलु छे” चू तीना काजे कोयू, “मारा तू मारा गाडरा काजे चार.” चू एने दिसरी कावार तीना काजे कोयू, “हे शिमोन, योहानोन पुऱ्यु, काय तू मार पोर मोंग कोरे?” चू तीना काजे कोयू, “होव, प्रभू; तू जानतलु छे कि मे तार पोरुत मोंग कोरतेलू छे” चू तीना काजे कोयू, “मारा गाडरान राखवावी कोर.” चू तिसरे कावार तीना काजे कोयू, “हे शिमोन, योहानोन पुऱ्यु, काय तू मार पोर मोंग कोरतेलू छे?” पतरस नाराज होयू कि येसु हिना काजे तिसरी कावार ओसू कोयू, “काय तू मार पोर मोंग कोरे?” एने तीना काजे कोयू, “हे प्रभू, तुते आखो काय जानतलु छे; तू यो जानतलु छे कि मे तार पोर मोंग कोरतेलू छे” येसु तीना काजे कोयू, “मारा गाडरा काजे चार.

मे तुसे काजे छाचलीन कोय, जेतार तू जुवान्यू होतु आपनो कोड्यो बांधीन जां जुवे चा फिरतू होतु; बाकीन जेतार तू दाहालू होयसे आपनु हात पोसारसे, एने दिसरा तारो कोड्यो बांधीन जा तुसेक नि जुवे चा तुसेक लीजासे.”

चू तीनु काजे कोयू, “ढोंड्यान जेवळे धोळे जावी नाखू ती जोळसे” आखरी चे जावी नाख्या, एने हिमी माछा जादा होयनेसी तीनुक हापकी नि सोक्या.

शिमोन पतरस तीनु काजे कोयू, “मे माछा धोरणेन जाम” चे तीना काजे कोया, “आमु बी तारे सात आवजे” आखरी चे निकवीन ढोंड्या पोर चोळ्या, बाकीन तिने राती काय नि धोऱ्या.