Popular Bible Verses from Luk 8

Share

Yee lé é dia tɛrɛ zima ta, wa munu lé woo dére maan bli tegele valé bli zin nya, wo nya, yé éé voo wo gi, ’té wo wɔlɛ éé baan yarapalale nya.

A wɔlɛnu lé wo dia lélinu va, wa munu lé woo Bale dére maan, wo nya, yé dé wo go, tɛrɛ ’ko la gibɔrɔpalenu valé alé fuafɛnu valé alé ginanamawenu koo, woo dére tunuan wo bli gi, yé wo faa éé voo é pia nya.

Wo lé wo dia gɔlɛ ta, wa munu lé woo Bale dére maan yé wa sié gi nanale nya, wo nya; naa, wo suni ’ka goo baa lo, woo bli voo Bale dére lɛ bléyi sɛ nya, yé woo diaan mi gidanbléyi va.

A zuo é lé wo lɛ léé: Kalé blipale a kyɛɛn? Kana zén wo gi yé wo gi vuru yé wo lé ’wo ke lɛ léé: Mi kaa lé ke ’ko, yé éé we fé fu valé ’yi boen lɛ, ’té wa lɛdɔamaa?

Wo lé wo zana zi sɔnɔ bɛ, wa munu lé woo we maan, wo nya; ’bɛ zuo yo éé dan, yé é Bale dére si wo bli gi, dé wo da wo bli vo a lɛ yé wo si we gi.

Fɛ lé ke é yɔɔle yé a ta ’ka dan bɔra lɛ lo, ’bɛ fɛ ’ka lo; yé kyeengiwe lé ’bɛ ’ka dan bɔra lɛ lo, ’bɛ ’ka lo.

Lezan a ye aan wo léé, é ta bɔra, é da gligli nya é gi, yé é dia a gane wuo yé wean ma lé é bɛ mane a ma koo, yé bɛan zo lé é béli é nya do koo, é ’bɛ gi fe munu faa lɛ. Jézu lé a lɛ léé: An lu, ilé blipale ma lé i béli; ’i go drɔɔ ma.

Wo bié yé wo Jézu vuo a fele nya léé: Kozan, kozan, ga lé ko wo ’ko! Yé Jézu vuo yé é we fe fu valé ’yi nwalenu lɛ yé ’bɛnu dɔ flee yé fɛ faa vo drɔɔɔ.