Popular Bible Verses from Lɔmukalu 11

Share

Fen bɛ bɔnin ale le lɔ, ani fen bɛ yi je ale le yɛ, a do ta le fen bɛ le. Magbiliyali yi di a ma habadan. Amiina!

Tuɲa le, Ala ya nafolotiiya walayine! Aa hangilimaya ni aa lɔnni dan jate tɛ se lɔnna. Jene yi se aa kolatɛɛninnu ɲayena, kumatɛ ka aa kokɛɲalu lɔn?

A sɛvɛnin tan ne kitabu kɔnɔ, ko: «Jene ka mɔ Tii miliya lɔn? Jene yi se kɛla a lailiba le?

Wo boloɲa kelen ma, hali bi, mɔɔ dana yi je Bani Isilankalu tɛma, Ala na minu tala ka bɛn aa nɛɛma ma. Ni Ala ya mɔɔtako yi kɛla ka bɛn aa nɛɛma le ma, wo vɛ kɛla, mɔɔ kɛkolu sabu tɛ butu. Niwotɛ, aa nɛɛma tɛnala kɛla nɛɛma bɛlɛbɛlɛ le butu.

Bani Isilankalu kɛyine iwo zeitunaju min sɛnɛnin gbele lɔ, Ala na wo bolo dɔlu tɛɛla a la. Àilu siboloma gbɛlɛ mɔɔlu minu kɛnin iwo tuu kɔlɔ zaituna bololu, Ala vɛ ài fasa bolo tɛɛninnu nɔ lɔ. Ado ji min yi bɔla a lilen na ka jɛlɛ, wo le àilu ni dɔ zaituna bololu balola i ɲɔɔ fɛ. Wo le y'a ma, i kà fannɔbaya kɛ dɔ zaituna bolo tɛɛninnu la. Niwotɛ, i y'a lɔn ko zaituna lilen bolomalanin tɛ ile ma, mafɔ ile le bolomalanin a ma.