Popular Bible Verses from Yohana 14

Share

«Ǹ'i josolajii le tola ài bolo, ǹa josolajii, ǹ'i wo le donna ài bolo. Ǹ t'a dila ài ma iwo dunuɲa y'a dila teme. Ài joso kà tɔlɔ, ài do kà siyan.

Isa do vɛɛ a yɛ: «Ǹe le siya le, ani tuɲa, ani niimaya. Mɔɔ suu suu tɛ se taala ǹ Fa fɛlɔ ni a ma timin ǹe fɛ.

Isa vɛɛ a kɔbiladennu yɛ: «Ài joso kà tɔlɔ. Ài yi limaniya Ala ma ka limaniya ǹe fana ma.

Kɛɛ Dɛmɛliba min kɛnin Nii Sɛnɛyanin ne, ǹ Fa kɛtɔ min lanala ǹ tɔɔ lɔ, ale le kɛtɔ ài kalanna ko bɛ la, ani k'ài hangili bila ko bɛ lɔ, ǹ na minu fɔla ài yɛ.

Ǹa jamalilu vɛ kɛla mɔɔ min bolo, a do y'ai labatola, wo tii le yi ǹ kanula. Mɔɔ min do vɛ ǹ kanula, ǹ Fa kɛtɔ wo tii le kanula. Ǹe fana kɛtɔ wo tii kanula ka ǹ jɛlɛ jiya a la.»

Ǹ kɛtɔ ǹ Fa dalila, a do kɛtɔ Dɛmɛliba gbɛlɛ dila ài ma min totɔ ài fɛ kudein, Nii Sɛnɛyanin koni, min yi tuɲa lankɛnɛmayala. Dunuɲa tɛ se wo sɔlɔnna, kamasɔlɔn a tɛ se a yena, kumatɛ k'a lɔn. Kɛɛ àilu k'a lɔn ne, kamasɔlɔn a ài fɛ, ani a kɛtɔ ài josokun nɔ.

Wo lɔ, ài vɛ ko ko madalila ǹ tɔɔ lɔ, ǹ'i wo kɛle ài yɛ, fɔsa ǹ Fa yi magbiliyali sɔlɔn a Denkɛ fɛ. Ni ài vɛ m̀ madalila ko ko si la ǹ tɔɔ lɔ, ǹ'i wo kɛle.»

Isa vɛɛ kɔtunun: «Ni ài yi ǹ kanula, ài kɛtɔ ǹa jamalilu labatola.

Siiya walayine ǹ Fa aa bon na. Ni a tɛɛ ma kɛ ten, ǹ tɛɛ se a fɔla di ài yɛ, ǹ ko: ‹Ǹ taatɔ siiya lɔbɛnna ài yɛ?›

M̀'ɛ taala ài siiya lɔbɛnna, ǹ seikɔtɔ ka na ài ta ka taa ài le, fɔsa ǹ'i tɛɛminja, àilu fana yi kɛ woja.

Tomasi do vɛɛ a yɛ: «Ǹ Kuntii, mɔ m'i taaya lɔn. M'i se siya wo lɔnna di?»