Popular Bible Verses from Yohana 13

Share

Ǹ'i jamali kula le dila ài ma yi ne, ǹ ko, ài ɲɔɔ kanu. Ǹ n'ài kanula teme, fɔ àilu fana y'i ɲɔɔ kanu ten ne. Ni kanundeya vɛ kɛla ài wotɛ, mɔɔ bɛ kɛtɔ a lɔnna wo le ma k'a fɔ ko ǹ kɔbiladen ne ài le.»

Ni ǹe min y'ài Kuntii ni ài Kalanmɔɔ le, m̀'ɛ ài sen mako, wo lɔ, àilu fana ka kan k'i ɲɔɔ sen mako. M̀'ɛ wo misali di ài ma fɔsa ài y'a kɛ iwo ǹ n'a kɛla teme.

Isa k'a javi, a vɛɛ: «Ǹ'i min na yi ne, i tɛnala wo kɔlɔ lɔnna bi. Kɛɛ i kɛtɔ a lɔnna kɔfɛ.»

Ǹ'i tuɲa fɔ ài yɛ, jɔn tɛ buɲa sɔlɔnna ka timin aa jɔnfa la. Keladen fana tɛ buɲa sɔlɔnna ka timin a kelaba la.

Ni ài ka ko minu lɔn ani k'ai kɛ, ài kɛtɔ duwawuden ne le.

Wo lɔ, a k'i wuli tabali kunna ka aa faaniba bɔ a kanna, k'a tɛ sili faani dɔ le. Wo kɛ, a ka ji dɔ kɛ tasa lɔ k'a kɔbiladennu sennu mako damina, k'ai matɛ faani wo la, a tɛ silinin tɛɛ min ne.