Popular Bible Verses from Loma 6

Share

Auā ko te totogi o te agahala ko te oti, ka ko te meaalofa fōki fua a te Atua, ko te ola e fakavavau, i te māfutaga ma Keliho Iehu to tātou Aliki.

Nahe kavea te agahala ma pule o koutou; auā ko koutou e hē ola i lalo o te tūlāfono, kae e ola i lalo o te alofa tūnoa o te Atua.

I te papatihoga la o ki tātou, ko ki tātou na oti ma na tanu fakatahi ma Keliho. Ko ki tātou na papatiho kae ke ola ai ki tātou i he ola fou, e vē ona toe fakatū ia Keliho ki te ola i te mana o te Atua te Tamana.

Nahe tuku atua foki he itūtino o outou tino ke fakaaogā e vē ni mea faigāluega mo nā mea kino. Kae e tatau ke tuku atu koutou mo te Atua, e vē ko nā tino kua toe fakatutū mai te oti ki te ola, ma tuku kātoa atu outou tagata, ke fakaaogā ma mea faigāluega mo nā mea lelei.

Ma e iloa e ki tātou ko o tātou tagata tuai kua tāmate fakatahi ma Keliho i luga o tona hātaulo, kae ke mafai ai o tātou tino agahala ke fakaumatia, ma hē toe kavea ai ki tātou ma pologa a te agahala.

E tatau foki la ke ia te koutou te manatu, ko koutou kua oti e tuha ai ma te agahala, kae e ola i te māfutaga ma te Atua e ala ia Iehu Keliho.

Ka vēhea ake nei la ki tātou? Ka fai pea lava e ki tātou te agahala, kae ke fakalahi ātili ai te alofa tūnoa o te Atua? E hē tatau! Kāfai ki tātou kua hē i lalo o te pule a te agahala — e vēhea la ona haga fai pea e ki tātou te agahala?

E hē koutou iloa, kāfai e tuku atu outou tagata ma pologa ke uhitaki ki he tino, ko koutou ni pologa ki te tino e uhitaki koutou ki ei — pe a te agahala, e iku ai ki te oti, pe a te uhitaki, e iku ai ki te fakaleleia o te va ma te Atua.

Kae fakafetai ki te Atua, auā e ui lava nae i ei he taimi na fai ai koutou ma pologa a te agahala, ka kua uhitaki koutou ma te loto kātoatoa ki te tūlaga o nā akoakoga na maua e koutou. Ko koutou na fakahaoloto mai i te agahala ma kua kavea ma kaukauna a te Atua ke faia te mea e tonu.