Popular Bible Verses from Ioane 19

Share

Kua inu e Iehu te uaina, oi vē ake ai tana kupu, “Kua taunuku!” Oi fakagaugau ifo ai ki lalo tona ulu, oi to ai loa tana mānava.

Kua iloa e Iehu kua uma te fakataunuku e ia o nā mea uma lele; ma kae ke taunuku ai te kupu a te tuhituhiga paia, na lea vē ai, “Ko au e fia inu.”

I te kitea atuga e Iehu o tona mātua ma te hoko e hili tona alofa ki ei e tutū mai, oi lea vē atu ai ki tona mātua, “Ko tō ataliki te ia.” Kua lea atu foki ki tona hoko, “Tēia tō mātua.” Oi kave ai e te hoko te mātua ke nofo i tona fale, kāmata mai i te taimi tēnā.

Kae i te ologa ki a Iehu, na ki lātou kitea ai kua oti, ma e hēki tagaua e ki lātou ona vae. Kae kua velo e tētahi o nā fitafita tana tao ki te itū o Iehu, ma ko te taimi lava tēnā na maligi mai ai ki fafo te toto ma te vai. (

Ko te mea tēnei na fai ke taunuku ai te kupu i te tuhituhiga paia e vē mai: “Ka hēai he ivi e fokotahi i tona tino e gagaua.” Ma e i ei foki tētahi tuhituhiga paia e lea mai, “Ka kikila ki lātou ki tē na ki lātou tuia i te tao.”

Kua takitaki e ki lātou ki fafo o te kakai e amo tona hātaulo, ma kua taunuku atu ki te koga e igoa ko te “Ulupoko.” (Ko “Kolokota” i te gagana Epelu.)

Kua fai e nā fitafita he pale i nā lālā o he lākau tālatala, ma fakapale ai tona ulu; oi fakakofu ai i he kofu tatao lanu violē