Popular Bible Verses from Ioane 17

Share

Ko tau kupu ko te meamoni. Ke kavea la te kupu tēnei ma mea e ofo kātoatoa atu ai ki lātou mo koe.

Ma ko te uiga o te ola fakavavau, ko te iloa o koe, te Atua moni e tokatahi, ma te iloa o Iehu Keliho, tē na uga mai e koe.

“Ko au e hē tatalo mo ki lātou oioti, kae vēnā foki mo nā tino kua talitonu mai ki a te au, e ala i a lātou takutinoga. Ko au e tatalo ke mafai ki lātou uma ke tahi. Te Tamana, ke tahi ko ki lātou ke vē he tino e tahi, ma ke tahi ki lātou ma ki mātou e vē oi tahi koe ma au ma tahi au ma koe. Ke tahi ki lātou kae ke talitonu ai te lalolagi ko au na uga mai e koe.

Ko au e hē lea atu ke kave kehe ki lātou mai te lalolagi, ka ko au e lea atu, ke puipui malu ki lātou mai ia Hātani.

Na tuku atu e au ki a te ki lātou te mamalu na kē tuku maia ki a te au, kae ke tahi ai ki lātou, e vē lava ona tahi ia koe ma au: ko au ia te ki lātou ma koe ia te au, kae ke mautū ai to lātou tahi, ke iloa ai e te lalolagi ko au na uga mai e koe, ma ko koe e alofa ki a te ki lātou e vē ona alofa mai koe ki a te au.