Popular Bible Verses from Matio 2

Share

Á dù, e mèé fo wù tiimen, e nə̀ə́ e lav, e yèn wán wùn yè wov Maria, e tsə̀m e wǎn si, e bùn. Á bùn, e nèn mvə̀ʼtì vibam vév, e fə̀ə́r vifá ve kimbùnfòn, a ví dzə̀ jii, *kisha ke mbàm ke baar kí wùn à kiláy kee *frankinsen ki, à kee *mer ki.

Vé‑eè dzə̀ə́ Jesus a dzə̀ é ntèʼ ye á yoŋ ji Betlehem, e mbìv wòŋ yee Juda, a ghán sin si‑iì dzə̀ se Fòn Heror‑iì sáʼ woŋ woo shooy. Akiíy ámóʼó nèn dù wìy e Jerusalem, aá ló fó wòŋ wúmóʼó wo wú dzəə̀n é mbìv ye shùy yii tó fo fo. Á wáa wìy bèy, a dzətí jii, wan wo á dzəən ji Fon wìr veé Juda sà bèé á? Áwune dzə́r bèn a, bìʼ fo vé‑ee yenen, a sàŋ və ló, e nèn a wìy a ji á bun wun.

Mo áwune kfə̀n yenen sàŋ və̀y, a wù danèr áwune, á wáa ker kishéʼrì ke ghaʼán kí, wúné wáa bòŋ áwune.

Áwune lò, e lòo kfən aáwuné wòŋ, e nèn gwàm dzə́ə fó səné, bìʼ fo Nyùy‑iì tirin áwune é njèm ji á wáa yen a fó kfə̀n dù ji á yén Fòn Heror. Áwune lò, nshìylav Nyùy Tàr siíy, e wìy, e sùúy e Joosev e njèm jii, «Nànène, e lì wán wùn kiyìy kí, é vèn áwune sám, e dù e wòŋ Ejiv, a dzə fo, e meé e ghan se m wíy suúy ji à wáa kfən. M suuy bèn, bìʼ fo Fòn Heror sí taʼ wán woo shoon ji wun yúyrí.»