Popular Bible Verses from Luk 22

Share

«Tàr, a kí ben ghèén wò, à kù tsə̀ʼ bàr ŋgeʼ və̀n fo m nó fó fo. Yii bèy, ku yiì a dzə̀ ke koŋ wò, lá à yòʼ yiì ke koŋ mo.» [

Yii bèy, a m bùnrì ne fo wò ji lá shilív shé shi yòʼ wìy kpù kpuún fo mǒ wùn. Shí kfə́n wíy lóo tav, áà wáa tavír sa afə́r vé.»

Wù kfən lì sa ntuʼ kiban, e beèrì Nyùy, e bèʼtí, e jàv aáwune, e sùúy jii, «Kin ki dzə̀ wún wóm [wo m fó bìʼ ven. Vèn wíy siiy, vèn wàa yiì bèn, a kuumé mo.»

Wùn áwune yíkír, e lòo màysì, wù kfən lì sa bàr, e sùúy jii, «Bàr və̀n dzə̀ *mensaŋ me fíy mè me Nyùy wíy gwàr e mensə́ mem mè, a mè leem a dzə̀ bìʼ ven.]

A wù dzə́, a shilív shí búʼ wun ŋkóŋkóŋ. Wù nèn màysì, e bùnrì e ŋàŋ, e ndzə̀ʼnìn. Ndzəʼnìn sí wáa shemshém fo nsay moo vitímtím vé mensə.]

Yii bèy, lá kén kí yòʼ a dzə bèy. Wìr wo dzəə̀n ji wo kuʼùn e věn mvəm ku lì kitú kfə́ ji wánlè, é ŋgaà mbìy wáa dzə moo wír wo wù lim fo wìr dzə̀m.

Jesus bìnèr jii, «Pita, m suuy e wò jii, bo kiyuú ki yiì a toŋ lán, aà sháʼnín ne akàŋ ataár ji bó à yòʼ kì á wír woo mo.»