Popular Bible Verses from Joon 12

Share

A wìr taʼ ji wun wáa dzə wán wom lìm, wù kù a ghan vèr wun. M lóo dzə fo m dzə́, é kú a dzə vèr wun. Wìr wáa lìm fo mò, bo Tàr wor wíy bùʼ ŋgaàŋ.»

A wìr lò a dzə ji wun kù bávti dzəʼə̀m rə́, bo wù wíy ran ranén. Wìr maʼay dzəʼə̀m rə́, bo wù bávti bàvtín, e wìy nəə́ sho a dzə̀ é dzə̀ʼə̀m yee là may.

Vèn wáa kiíy rúrú jii, a ŋgoòy kifa dzə̀ là fóo nəə́ e nsay, e kpu, bo kù dzə̀ yì jòʼsì sí e mòʼón. Yì nəə e nsay, kpú, bo kitiír kí wìy sìíy, e fò yìmòʼ yee ŋgoòy e nín.

M wìy e ndzə fèn ji m fíʼ a dzə rán, é la wìr wo wù wáy shilív e mǒ wùn yòʼ dzə́ə a ghan fo mesənér.

Wìr wáa dzə wo wù yú kinyo kém, wáŋ waŋén, bo bó yòʼ wíy saʼ mo ŋgaàŋ. M yòʼ wìy e ndzə fèn ji m wáy wíri a dzə̀ é lòn, m wìy kém ji m luŋer wíri lúŋerin.

Maria yiì lò, e lì biʼ ye juŋ yímóʼó kiyóʼóy kifur, aá fér e *nard, a yí lùm e mbàm e ŋàŋ, e wìy, e bòr e Jesus wuù, e gvə̀ʼə́r kitú, a səŋrí e nə́ŋ sə́ sí. Lav nèn bìnkìr, a shàŋ shàŋèn e dzə̀m.

Á nèn keèmè, a dù ji á səə́si wun, a ker viyáŋ e wo, a ndzəʼ jii, «Fon wor èy, Fon wor èy, Nyùy Tàr ku səə̀vì wír wo wù wiy e wùn yir. Dzə̀ Fon wìr veé Isray.»

Jesus suúy aáwune jii, «Á lèn wo Nyùy sí yiì bùʼ ŋgaà wo yírí dzəə̀n *Wanwìr e vikuʼùy ve ghaʼán ví.