Popular Bible Verses from Yoane 15

Share

“Ma nɨ atɨ a mɨntam ma bɨ nyɛtɨnɨ mɨluʼ ɨwu, nɨ be mbó ɨmyi ɛ. Ɨbɛn ba bɨ ghɔŋnɨ a mu ɨnye me, ma kɨ nghɔŋ a mu ɨnye bo, ghɨ kónɨ́ mɨntam á mɨ gháʼ ngɛn nɨ mbyi; mbɨ́ʼ ngə́ o chi koʼ anu zə tsɛrə ghɨ tɨ me ghe.

Nɨ ghɔŋ a mbúm bɨgɨnə a ɨnye me, á ma kɨ ntsi a mbúm a ɨnye bɨŋ ə. Abó atɨ a chi keʼ konɨ mɨntam zɨzɨ; a chi konɨ tsɛʼ mbáʼ be a bvurɨ nchwuʼnɨ a nye atɨ ə. Ndəŋndəŋ, nɨ chi keʼ mɨntam konɨ tɨgha nɨ chwuʼnɨ ɨtumbəm ɨtsən a nye me ghe.

Be nɨ ghɔŋ a mu ɨnye me, mɨgham ɨmə kɨ nghɔŋ a mu ɨnye bən, muŋ nɨ mɨ bitɨ azúm atsum za nɨ kɔŋnɨ ɨ kɨ tsi nɨ zɛrə ghe.

Nɨ sé aghan zarɨ; ma zárɨ́ awən nkɨ ntsɔ́ʼ awən ngə́ á nɨ ghɛn nkónɨ́ mɨntam mə ghaʼnɨ, ɨbə́ŋ mɨntam ma mɨ ghɔ́ŋnə́ nɨnkoŋ ə. Ma lan, Tarɨ a mɨ gha azúm atsum za nɨ bitɨnɨ wəmbo nɨ ɨkum ɨghə.

Akɔŋnɨ za a tsanɨ mbó mbáʼ be ŋwɔn a tsi nɨ zɛrə a nye bɨson ɨbyi a nɨ ngə́ á kfo mbɨ́ʼ atú aza ghe.

Wɛrə a bɛ́ʼtɨ́ abó atɨ atsum za ka a nkónə́ ayi mɨntam nkə́ nyɛ́tɨ́ abó atsum za a kónɨ́nɨ́ mɨntam, taŋ á atɨ za a fɛm nkɨ nkonɨ mɨntam mə ghaʼnə.

Ntɨgə ɨzan ɨ be ngə́: kɔŋnɨnə awən bən nɨ bɨŋ ə, tsɛʼ adzaŋ za ma kɔŋnɨ awən lá.

A nɨ a ntsǎ a ndzum mɨntam mə ghaʼnɨ ma nɨ kónɨ́nə́ mbáʼ mɨ diʼnɨ nɨfáŋ nɨ Ta ɨghan; a nye ndóm məwen nɨ tiʼ mbe bɨyɛʼ ɨbə.

Ma nɨ ngótɨ́ atɨ a mɨntam ma bɨ nyɛtɨnɨ mɨluʼ ɨwu, Ta ɨghan a be ŋwɔn wa a lánɨ́ atú nɨ ɨtɨ mɨntam mɨ mɨluʼ ə.

Ŋwɔn tsum wa a se ghɔŋ a mu ɨnye me, bɨ mɨ nyɛʼ ayi tso abó atɨ á zomnkə; bɨ ghótɨ́ mbó mɨ atɨ məma ngěn nkúmə́ a ɨmugɨ, mɨ kɨənə ghe.

Ma soŋ ɨnu tsen lá taŋ á nɨdorɨ ɨnə tsi a mu ɨnye ɨtsən, á nɨ kɨ ntsi nɨ nɛrə a nɨ́lónɨ́ ə.

Be nɨ ndzúʼnɨ́ ntɨgə ɨtsan muŋ nɨ mɨ ghɔŋ a mu akɔŋnɨ azan, tsɛʼ tso mbáʼ ma zúʼnɨ́nɨ́ ntɨgə Ta ɨghan nkɨ nghɔŋ a mu akɔŋnɨ azhi lá.

Ntɨgə za ma ghanɨ a mbó bən ɨ nɨ ngə́: kɔŋnɨnə awən bən nɨ bɨŋ ə.”

Be nɨ tsi a mbó ɨbɛn bɨ atuəshe, muŋ ɨbɛn bɨ atuəshe mɨ kɔŋ awən tso ɨba ɨbɛn ə. Lá ma zárɨ́ awən a tɨtərɨ ɨbɛn bɨ atuəshe, nɨ keʼ a mbó ɨbɛn bɨ atuəshe tsi; nə nɨ anu za a ghɨnɨ ɨbɛn bɨ atuəshe ban awən lá.