Popular Bible Verses from Yoane 14

Share

Mbɔnɨ a nɨ azúm za ma nyɛʼtɨnɨ a mbó bɨŋ ə; a nɨ mbɔnɨ ɨzan za ma ghanɨ a mbó bɨŋ ə. Ma sa a zɛrə gha lá adzaŋ za ɨbɛn bɨ atuəshe ghánə́ ghe. A nɨ keʼ ɨnye ɨtsən a mbúʼə, á ɨtú ɨtsɨŋ keʼ kɨ mbvurɨ; nɨ keʼ anu zə tse bɔgə.

Yeso a chwɨ́gɨ́ ayi ngə́, “Ma nɨ ndómnji wa, nkənu za, nkɨ mbe ntsi ntən za; ŋwɔn tse a chi keʼ ghɛn nkuʼ a mbó Tarɨ tɨ tsa a ndzum me ghe.

Yeso a sóŋ a mbó bo ngə́, “A nɨ keʼ ɨnye ɨtsən a mbúʼə, á ɨtú ɨtsɨŋ keʼ kɨ mbvurə. A nɨ nɨŋ mɨntəm ɨmən a nye Ŋwi nkɨ nɨŋ a nye me ghe.

Nkwatɨ, Azhwi zə Fɛmnɨ wa Tarɨ a ghɨ tsagɨ nɨ ɨkum ɨghan lá, a ghɨ diʼ awən nɨ anu atsum, ɨ kɨ ghɨ á nɨ waʼtɨ ɨnu ɨtsum tsa ma kwɛnə soŋ a mbó bɨŋ ə.

Ŋwɔn tsum wa a kwarɨnɨ ntɨgə ɨtsan, nkə́ ndzúʼnə́ a tsɛrə, a nɨ ŋwɔn wa a kɔŋnɨ aghə. Ta ɨghan a mɨ kɔŋ a ŋwɔn tsum wa a kɔŋnɨ aghə; ma mɨ kɨ tiʼ kɔŋ ayi, ɨ kyɛʼ atuəmbəm azan wəmbo ə.”

Ma mɨ soŋ a mbó Tarɨ, á tiʼ nga a Nkwatɨ wu mɔʼɔ, mbáʼ a mɨ ghɔŋ bɨŋ bo nɨnkoŋ ə. Nkwatɨ wa nɨ Azhwi, zɨ wa a kyɛʼnɨ nkənu mbɨ́ʼ a Ŋwi ə. Ɨbɛn bɨ atuəshe wiŋ chi keʼ ayi kwarɨ, mbɨ́ʼ ngə́ bo chi keʼ ayi zɛn kə nkɨ nji ayi ɛ. Lá nɨ zhi ayi, mbɨ́ʼ ngə́ a chyɛ̌ bɨŋ bo, nkɨ ntsi a mu ɨnye bɨŋ ə.

Ma ghɨ tíʼ ghɨ anu atsum za nɨ bitɨnɨ nɨ ɨkum ɨghan, taŋ á bɨ tsa a ndzum Mɔn ndiʼ nɨfáŋ nɨ Tarɨ ə. Be nɨ bitɨ anu atsum a ɨkum me, ma mɨ ghɨ a zɛrə ghe.”

Yeso a kwíʼtɨ́ ngə́, “Be nɨ kɔŋ aghan, muŋ nɨ mɨ len ntɨgə ɨtsə.

Bɨkwasɨ bɨ ndá bə ghaʼnɨ tsi a mu ndá Ta ɨghə. Ma ghěn a mbyi bən a nkyáŋtɨ́ adiʼ a mbó bɨŋ ə. A tú lá be muŋ ka ma soŋ aghan a mbó bɨŋ ə.

A be ngə́ ma ghɛnə nkyaŋtɨ adiʼ a mbó bən, ma mɨ bə yen ɨ lɔgɨ awən á nɨ yen a mbó atuəmbəm azan, taŋ á nɨ tsi adiʼ za ma tsinə.

Tɔməshi a sóŋ wəmbo ngə́, “Maʼmbyí, ka bɨgɨ zhi awɨgɨ adiʼ za o ghɛnə ɨwu ə; ma lan, bɨgɨ mɨ tiʼ zhi ndómnji wa ɨ ghɛnə ɨwu lá ɨ nə́ le?”