Popular Bible Verses from San Mateo 19

Share

Chi je̱'e̱ Jesús wyindu̶kxpe̱jttaayu̶ ajku̶xy y y'adzoowu̶ ajku̶xy: —Mu̶u̶d je̱'e̱ naaxwiiñjya'ay tzip adayaaba, peru̶ mu̶u̶d je̱'e̱ Dios ka'p je̱'e̱ chípu̶ch.

Y ka'p naty du'un y'oknimé̱tzku̶chu̶ñ, tu'ug naty je̱'e̱ du'un je'eyu̶ju̶ñ. Y paady je̱'e̱ ja'ay ka'p mu̶baad yajnay'u̶xmachii je̱'e̱ mu̶dyiibu̶ je̱'e̱ Dios tu̶ wijtzmúkyu̶ñ.

Chi je̱'e̱ Jesús y'adzoowu̶ ajku̶xy: —¿Nej ka'anu̶ jiiby miich mgápxku̶xyñu̶ ma je̱'e̱ Dios ñakyu̶ñ ko je̱'e̱ Dios mu̶dyiibu̶ miich xyajkojku̶xu̶ñ maabu̶ je̱'e̱ naaxwiimbu̶ aga'an yajkojyu̶ñ, ‘ya'aydyu̶jk y to'oxyu̶jk je̱'e̱ yajkojy’? Y myu̶naañ: ‘Paady je̱'e̱ ya'aydyu̶jk je̱'e̱ tyaj tyeedy u̶xmádzu̶ch y pudu̶gu̶'u̶wu̶ch je̱'e̱ tyo'oxyu̶jk, y je̱'e̱ nime̱tzkpu̶ du'un naty je̱'e̱ ajku̶xyu̶ñ neby tu'ugpu̶ju̶ñ.’

Mu̶'it je̱'e̱ Jesús myu̶naañ: —U̶xmajtzku̶x, wan u̶u̶ch yu̶'u̶ pi'k'ana'ktu̶jk xyñimiingu̶xy y ka'p m'agapxtujkku̶xy, je̱' ko je̱'e̱ ja'ay jiiby tu̶gu̶'u̶waangu̶xp ma je̱'e̱ Dios y'ane'emyu̶ñ je̱'e̱ mu̶dyiibu̶ du'un yajpaatku̶xpu̶ñ neby yu̶'u̶ pi'k'ana'ktu̶jk ajku̶xyu̶ñ.

Peru̶ cham; may je̱'e̱ ja'ay jii ajku̶xy je̱'e̱ mu̶dyiibu̶ jayu̶jp'ajtku̶xpu̶ñ, y je̱' u̶x'aam'ádu̶p ajku̶xy; y nan may je̱'e̱ ja'ay jii cham ajku̶xy je̱'e̱ mu̶dyiibu̶ u̶x'aam'ajtku̶xpu̶ñ, y je̱' jayu̶jp'ádu̶p ajku̶xy.

Y ku̶xyu̶ pu̶n naty, mu̶u̶d u̶u̶ch kyu̶xpu̶ tu̶ ku'ugue̱e̱kku̶xyu̶ñ je̱'e̱ tyu̶jk ajku̶xy, o je̱'e̱ pyuya'ay ajku̶xy, o je̱'e̱ pyudo'oxy ajku̶xy, o je̱'e̱ tyaj tyeedy ajku̶xy, o je̱'e̱ y'ung y'ana'k ajku̶xy, o je̱'e̱ ñaax ajku̶xy, pyaattu̶gajtzku̶xu̶py je̱'e̱ mu̶go'px du'uñdyu̶, y nan pyaatku̶xu̶py je̱'e̱ jugy'ajtu̶ñ je̱'e̱ mu̶dyiibu̶ ka'p nimu̶naaxu̶u̶ kyu̶xy tyu̶goyu̶ñ.

Chi je̱'e̱ Jesús y'adzoowu̶: —Pu̶nu̶ mja'ay'adaamb tu̶y tu'uda'agy, nu̶kx tokta'a tijaty mmu̶dajtypyu̶ñ y ni'imo'o je̱'e̱ ayoobu̶du̶jk ajku̶xy. Mu̶'it je̱'e̱ m'oy'ajtu̶ñ jiiby tzajpjooty mbaadu̶ch. Y ko du'un mdúnu̶ch, mu̶'íttu̶tz mínu̶ch ma u̶u̶chu̶ñ y xypyanú̶kxu̶chu̶ch.

Chi je̱'e̱ Jesús y'adzoowu̶: —¿Ti u̶u̶ch ko oyjya'ay xytyijy? Ni pu̶n kya'a'oyjya'ayu̶ch, je'eyu̶ je̱'e̱ Dios tu'kpajk y'oyjya'ayu̶ch. Peru̶ pu̶nu̶ mdu̶gu̶'u̶waamb jiiby ma je̱'e̱ jugy'ajtu̶ñ ka'p nimu̶naaxu̶u̶ kyu̶xy tyu̶goyu̶ñ, kuydyuunu̶ je̱'e̱ Dios y'ane̱'e̱mu̶ñ.

Cham u̶u̶ch ja'adu'ook nmu̶na'añ ko ni'igu̶ ka'p je̱'e̱ camello tu'ug tzip ñáxu̶ch ma je̱'e̱ xu'uñdy'u̶jx xyútu̶chu̶ñ, jak tzip tyu̶gu̶'u̶wu̶ch tu'ug je̱'e̱ kumeeñjya'ay ma je̱'e̱ Dios y'ane'emyu̶ñ.

Peru̶ u̶u̶ch miich nnu̶maaygyu̶xypy je̱'e̱ ya'aydyu̶jk mu̶dyiibu̶ je̱'e̱ tyo'oxyu̶jk u̶xmajtzpu̶ñ, y pu̶nu̶ ka'p naty je̱'e̱ wiingpu̶ ya'aydyu̶jk tu̶ mu̶dtuundu̶góy, y pyu̶jktu̶gách mu̶u̶d je̱'e̱ wiingpu̶ to'oxyu̶jk, tuundu̶gooby naty je̱'e̱ du'un.

Mu̶'it je̱'e̱ Jesús dyiscípulotu̶jk nu̶maay: —Janch tu̶y'ajtu̶ñ du'un nnu̶maaygyu̶xy ko janchtzip je̱'e̱ kumeeñjya'ay tu'ug tyu̶gu̶'u̶wu̶ch ma je̱'e̱ Dios y'ane'emyu̶ñ.