Popular Bible Verses from Efesios 2

Share

Je̱' ko je̱'e̱ Dios je̱'e̱ jembyu̶ jugy'ajt tu̶ xymyooyu̶m ajku̶xy, je̱' je̱'e̱ Cristo Jesús tu̶ xyajmu̶bu̶jku̶m ajku̶xy neby je̱'e̱ oybyu̶ tuung mu̶baad nduunu̶mu̶ñ ajku̶xy, du'un neby je̱'e̱ jékyu̶p niwinmayu̶u̶yu̶ñ.

Je̱' ko je̱'e̱ Dios tu̶ xypya'a''ayoogu̶xy, paady miich je̱'e̱ m'aanu̶mu̶ ni'idzooku̶ñ tu̶ mbaatku̶xy ko je̱'e̱ Jesucristo tu̶ mmu̶bu̶jkku̶xy. Ka'p pyaadyu̶ch ko miich tii du'umbu̶ ku̶'u̶m tu̶ mduungu̶xy, tu̶ mni'ipaatku̶xy miich je̱'e̱ m'aanu̶mu̶ ni'idzooku̶ñ ko je̱'e̱ Dios tu̶ xyñi'imooygyu̶xy, ka'p je̱'e̱ du'un paady tu̶ mbaatku̶xy ko miich tii du'umbu̶ ku̶'u̶m tu̶ mduungu̶xy, y paadyu̶tz ka'p mu̶baad ni pu̶n ni tii ñayyajku'umayii.

Peru̶ je̱'e̱ Dios mu̶j pa'a''ayo'on je̱'e̱ mu̶u̶du̶ch, y mu̶j xychojky xyjyu̶wu̶u̶y ajtu̶m ajku̶xy, ko je̱'e̱ jugy'ajtu̶ñ kipxy xymyooyu̶m ajku̶xy mu̶u̶d je̱'e̱ Cristo ko najty du'un nyajpaatu̶mnu̶ ajku̶xy neby o'ogypyu̶ju̶ñ mu̶u̶d je̱'e̱ gyu̶xpu̶ ko najty nbokymyu̶u̶d ngu̶dyeeymyu̶u̶du̶ch ajtu̶m ajku̶xy. Peru̶ mu̶u̶d je̱'e̱ Dios pya'a''ayo'on miich tu̶ miich je̱'e̱ aanu̶mu̶ ni'idzooku̶ñ mbaatku̶xy.

Neby je̱'e̱ Dios je̱'e̱ Cristo Jesús yajjuugypyu̶jkyu̶ñ, du'un je̱'e̱ kipxy tu̶ xyajjugypyu̶jku̶m mu̶u̶d je̱'e̱ Cristo Jesús, neby jiiby tzajpjooty kipxy n'ane̱'e̱mu̶mu̶chu̶ñ ajku̶xy mu̶u̶d je̱'.

Paady miich du'un ka'p myajpaatku̶xnu̶ ma je̱'e̱ Diosu̶ñ neby je̱'e̱ jaybyokxyu̶ñ, ka'p miich wiing naax wiing kajpt m'adzu̶naaygyu̶xnu̶, tu'ugyu̶ miich jada'achám myajpaatku̶xnu̶ mu̶u̶d je̱'e̱ Dios jya'ay y xypyaatku̶xp miich je̱' je̱'e̱ mu̶dyiibu̶ je̱' paattu̶bu̶ñ ajku̶xy, y du'un miich jada'achám ajku̶xyu̶ñ ma je̱'e̱ Diosu̶ñ mu̶u̶d je̱'e̱ judío ja'ay ajku̶xy neby tu'kjuugy tu'kmu̶gu'ugpu̶ju̶ñ. Miich ajku̶xy, du'un miich ajku̶xy neby tu'ug ni'ibe̱ttu̶jk mu̶dyiibu̶ tu̶ yajpojtzu̶'u̶gyu̶ñ ma je̱'e̱ apóstolestu̶jk ñi'igú̶xp ajku̶xyu̶ñ y ma je̱'e̱ Dios y'ayuuknajtzkapxu̶u̶ybyu̶du̶jk ñi'igú̶xp ajku̶xyu̶ñ, y Jesucristo je̱' du'un ku̶'u̶m neby je̱'e̱ mu̶jtzaa mu̶dyiibu̶ je̱'e̱ ni'ibe̱ttu̶jk nigopt'ajtpu̶ñ.