Popular Bible Verses from 2 Corintios 3

Share

Je̱'e̱ Windzú̶n Jesucristo je̱' je̱'e̱ Dios y'Espíritu mu̶dajtu̶yu̶py; y ma je̱'e̱ Dios y'Espíritu yajpaadyu̶ñ, ka'p je̱'e̱ jeky ane̱'e̱mu̶ñ jim y'ok'ane̱'e̱mnu̶, tu̶ je̱'e̱ y'awa'adzpu̶dzu̶u̶mgu̶xnu̶.

Paady u̶u̶ch nigu̶xyu̶, du'un ajtu̶m ajku̶xy neby tu'ug ijxk ma je̱'e̱ nWindzú̶n Jesucristo y'oy'ajtu̶ñ n'ijxu̶yu̶ ajtu̶m ajku̶xy, y ka'p du'un n'ok'ijtu̶nu̶ ajku̶xy neby je̱'e̱ winkube̱'e̱nu̶'u̶byu̶ju̶ñ; y du'un du'un n'awimbijt'adu̶u̶tzu̶m ajku̶xy neby je̱'e̱ju̶ñ, je̱' ko ni'igyu̶ je̱'e̱ y'oy'ajt n'ijx'adu̶u̶tz nbaat'adu̶u̶tzu̶yu̶ ajtu̶m ajku̶xy, je̱' ko je̱'e̱ Windzú̶n Jesucristo y'Espíritu xypyube̱jt xypyudu̶gu̶u̶yu̶m ajku̶xy.

Peru̶ ko je̱'e̱ ja'ay tu'ug jyootwimbíty ma je̱'e̱ Windzú̶n Jesucrístoju̶ñ, mu̶'it je̱'e̱ wit myu̶najknu̶ je̱'e̱ mu̶dyiibu̶ je̱'e̱ ayuuk tu̶y'ajt ka'ayajwinju̶wu̶u̶yu̶bu̶ñ.

Ka'p u̶u̶ch nmu̶naangu̶xy ko u̶u̶ch je̱'e̱ mu̶k'ajt ku̶'u̶m n'ijxku̶xy nbaatku̶xy; ku̶xyu̶ tii u̶u̶ch mu̶baad nduungu̶xy n'ijxku̶xyu̶ñ je̱'e̱ Dios u̶u̶ch je̱'e̱ mu̶k'ajt xymyooygyu̶xp neby u̶u̶ch je̱'e̱ nduungu̶xu̶chu̶ñ, je̱' u̶u̶ch je̱'e̱ mu̶k'ajt tu̶ xymyooygyu̶xy neby u̶u̶ch je̱'e̱ jembyu̶ Dios y'ayuuk tyu̶y'ajt ngapxwa'kxu̶chu̶ñ ajku̶xy, ka'p jye̱'e̱ju̶ch je̱'e̱ mu̶dyiibu̶ kuja'ay miimbu̶ñ, je̱' je̱'e̱ mu̶dyiibu̶ je̱'e̱ Espíritu Santo njootjooty nwinma'añjyooty tu̶ xypyu̶daaku̶yu̶ ajtu̶m ajku̶xy. Je̱'e̱ Moisés y'ane̱'e̱mu̶ñ kuja'aybyu̶ je̱'e̱ o'ku̶ñ ye̱jkp, peru̶ je̱'e̱ juugy'ajtu̶ñ je̱'e̱ Dios y'Espíritu je̱'e̱ ye̱jkp.