Popular Bible Verses from YOELA 2

Share

ASANG wa- ngadqere: ana" jao" yao: gaigai: nhag' lam: tha" mung: zo: shaug' jao" ru we' ngug byid gyo" mung: kaug' ngug yang ngo jhao" tug' lo ge,.

Cethao: ne, mae wa nga" byo re yaug khao: ngo" dao mae nga" byo jaung" byid: nae". Naonhaung" nho: yauggai zo: qe we' myiqe: zo: qe wa nga" mungdao: re lapa pa: li" genae". Naonhaung" nho: mao: zo: qe wa yab mo, mo, genae". Naonhaung" nho: ve, qae" qe wa qhu" lho re the' myao: li" genae".

Naonhaung" kaug' ngug: rure nhag' lam: gyug' ra" khyo" qhu" byid: ge,. Naonhaung" nho: mai bau: lao" cad' ruyang za: mathae shi: ga: ta" na: ra". Naonhaung" nho: Mao"So ASANG jhao" tug' lo ge,. Yao: wa nhag' mayao" ru we' nhag' khyag' ru byang" yaug ngad: ra" yao: wa nhag' lam: qhang: ru we' yao" dao:so: re jhaug' zaug: yaug ngad mung: qobo dae mabyid: lo: qobo khyad' byid: nae" khonhae" re: jin" jin" ngad: ra".

Ngadqere: ASANG jhao" bao" thaug' mho' yao mo, alhab' kam" wa khyad' yu: ru qhug' li" genae". ASANG ta" to" ru we' dakhyo: Yerusalem mae na mo, damyo" wa phao: loe; lo" li" genae". Amung: ngoyang khyin: to" ra" mo, alhab' wa mashid na: dang: li" genae"- ga: ta" ra".

Qi" qhang ru we' gyaug: din pho: ASANG: ba na majoe" li" shire ba mo" wa sham: no; byaug mung: lho" mo" wa sa: we' dakhyo: ne: lo" li" nae".