Popular Bible Verses from Marika 2

Share

Ia ni sa rogoca ko Jisu, sa kaya vei ira, “Sa sega ni yaga na vuniwai vei ira sa bula vinaka, vei ira ga sa tauvi-mate. Au sa sega ni lako mai me'u kacivi ira sa yalododonu, ko ira ga nai valavala ca, me ra veivutuni.”

Ia ni sa raica ko Jisu na nodratou vakabauta, sa kaya vua sa tauvi-paralase, “Na luvequ, sa vosoti na nomu i valavala ca.”

Sa kaya talega vei ira, “Sa caka na Siga ni Vakacecegu e na vukudra na tamata, e sega ni caka na tamata e na vuku ni Siga ni Vakacecegu

Ia ni ratou sa sega ni torovi koya rawa e na vukudra na lewe vuqa, eratou sa basuka na dela ni vale sa tiko kina ko koya; ia ni ratou sa basuka sara, eratou sa tukuca sobu nai mocemoce sa davo kina ko koya sa tauvi-paralase.

Ia mo dou kila kina ni sa tu vua na Luve ni Tamata na kaukauwa e vuravura me vosota nai valavala ca”—ka sa qai kaya ko koya vua sa tauvi-paralase— “Au sa kaya vei iko, mo tucake, ka taura na nomu i mocemoce, ka lako ki na nomu vale.”

A cava vei rau e rawarawa cake, me kaya vua sa tauvi-paralase, ‘Sa vosoti na nomu i valavala ca,’ se me kaya, ‘Mo tucake, ka kauta na nomu i mocemoce, ka lako?’

A sa tucake sara ko koya, ka taura na nonai mocemoce, ka lako yani e na matadra kecega; a ra sa kurabui kecega kina, ka vakarokorokotaka na Kalou, ka kaya, “Eda sa sega ni raica eliu na ka e vakaoqo na kenai valavala.”