Popular Bible Verses from Marika 10

Share

Ni sa sega ni lako mai na Luve ni Tamata me qaravi, me dauveiqaravi ga, ka me solia na nona bula me kedrai voli e lewe vuqa.”

A sa vakaraici ira ko Jisu, ka kaya, “Sa dredre sara vei ira na tamata, ia ka sega ga vua na Kalou; ni sa rawarawa vua na Kalou na ka kecega.”

A sa kaya vua ko Jisu, “Mo lako ga; sa vakabulai iko na nomu vakabauta.” A sa rai rawa sara ko koya, ka sa muri Jisu e na gaunisala.

Ia na ka sa vauca vata na Kalou, me kakua ni tawasea na tamata.”

A sa vakaraici koya ko Jisu, a sa lomana, a sa kaya vua, “E dua na ka sa sega vei iko: mo lako, mo volitaka na ka kecega sa tu vei iko, ka solia vei ira sa dravudravua, ko na qai vakaiyau mai lomalagi; ka mo lako mai, ka muri au.”

A sa vosa ko Jisu, ka kaya vua, “A cava ko sa vinakata me'u cakava vei iko?” A sa kaya vua na tamata mataboko, “Kemuni na Turaga, me'u rai rawa.”

Ia sa sega ni vakakina vei kemudou; ia ena nomudou dauveiqaravi ga ko koya vei kemudou sa via uasivi cake

Au sa kaya vakaidina vei kemudou, O koya ena sega ni vakabauta na matanitu ni Kalou me vaka na gone lailai, ena sega sara ni curu kina.”

Ia era lewe vuqa sa liu era na muri; kei ira talega sa muri era na liu.”

Ia e nai vakatekivu ni ka sa buli, sa buli rau na Kalou me dua na tagane ka dua na yalewa. E na vuku ni ka oqo ena biuti tamana kei tinana na tagane, ka kabita na watina, ia koi rau erau na lewe dua. Erau sa sega ni lewe rua tiko, erau lewe dua ga.