Popular Bible Verses from Vakatekivu 28

Share

Ka raica, ka'u na tiko vata kei iko, ka vakabulai iko e na nomu i lakolako kecega, au na vakalesui iko talega ki na vanua oqo; ni'u na sega ni biuti iko, ka me'u cakava mada vei iko na ka ka'u a vosa kina vei iko.”

Ka raica, sa tu mai muana ko Jiova, a sa kaya, “Koi au ko Jiova na Kalou i Eparaama na tamamu, kei na Kalou i Aisake; a vanua ko sa koto kina ka'u na solia vei iko, kei ira na nomu kawa

A sa yadra mai na nona moce ko Jekope, ka sa kaya, “Sa tiko vakaidina ko Jiova e na vanua oqo—ka'u a sega tu ni kila!”

A sa qai bubului ko Jekope, ka kaya, “Kevaka sa na tiko vata kei au na Kalou, ka vakabulai au e na sala oqo ka'u sa lako kina, ka solia vei au na kakana me'u kania, kei nai sulu me'u vakaisulu kina, ka'u sa lesu vakavinaka tale kina ki na vale i tamaqu, ena qai noqu Kalou ko Jiova, kei na vatu oqo, ka'u sa vakaduria me duru, e sa na vale ni Kalou; ia na ka kecega ko ni sa solia vei au, au na solia vakaidina na kenai katini vei kemuni.”

ia na nomu kawa ena vaka na kuvu ni qele; ia ko na tete yani vaka ki na ra, ka vaka ki na tokalau, ka vaka ki na vualiku, ka vaka ki na ceva; ia ena kalougata e na vukumu kei na nomu kawa na veimataqali kecega e vuravura.

A sa vakatoka na yaca ni tikina ko ya ko Peceli; ia na yaca ni koro ko ya eliu ko Lusa.