Popular Bible Verses from Vakatekivu 27

Share

Ia me solia ga vei iko na Kalou na tegu kei lomalagi, kei na veika vinaka kei vuravura, ka levu na sila kei na waini. Me qaravi iko na veimataqali, ka cuva vei iko na veimatanitu. Mo turaga vei ira na tacimu, ia me ra cuva vei iko na luve i tinamu. Me cudruvi ko ira era cudruvi iko, ka me ra kalougata ko ira era vosavakalougatataki iko!”

A sa kaya ko Iso, “Sa sega beka ni vakayacani dina ko koya ko Jekope? Ni sa qai vakarua oqo na nona cakacaka vaqaseqase vei au. Sa kauta tani eliu na noqu i tutu vakaulumatua. Ka raica, sa qai kauta tani tale oqo na noqu veivakalougatataki.” A sa kaya, “Sa sega beka ni vo tiko vei kemuni e dua nai votavota me'u vakalougatataki kina?”

A sa qai vosa ko Aisake na tamana, a sa kaya vua, “Raica, na nomu i tikotiko ena yawa mai na veika vinaka kei vuravura, ka yawa mai na tegu mai lomalagi. Ko na bula e na nomu i seleiwau, ka ko na qaravi koya na tacimu; ia ena yaco ni ko sa kaukauwa, ko na qai musuka tani na nona i vau e domomu.”

A sa kaya vei tamana ko Iso, “Sa dua bau li ga na nomuni vosa ni veivakalougatataki, na tamaqu? Mo vosavakalougatataki au mada, io koi au talega, i tamaqu!” A sa tabalaka na domona ko Iso, ka tagi.