Popular Bible Verses from युहन्‍ना 19

Share

ओःले येशुइ ओः कीर्पु नीःङ्‍गार थुङ्सी, ओःले खुङगीइ लाःसी, “ताः ङाःइ लेःगा सीःङ्सी।” ओःले खुङगीइ गो कुःदी खुङ सीसी।

येशुइ राःङगीइ थाम्जेर ताम ताः पेःदी सीःङ्सी लाःती छोर्सी ओःले छ्‍येइ पेज्याला प्रुःक्योक ताम छाङ्ज्युक लाःती एःन्डु लाःसी, “ङाःला कोम्जे लाःङ्सी।”

येशुइ राःङगीइ आमा ओःले राःङगीइ च्याःम्बु पेःक्योक योबाला थामालारा लाःङ्दी तेःक्योक थोङ्दी राःङगीइ आमाला लाःसी, “तादो आःमा, दीखो ख्याइ पुः इःङे।” ओःले खुङगीइ ओः योबाला लाःसी, “तादो, खुङ ख्योइ आःमा इःङे।” ओः ङीःमामीःजीक ओः योबाइ येशुइ आमा मरीयमला राःङगीइ खीमला खेर्सी।

इःनाङ खुङक्या येशुसाःला ओःङ्सी ओःले खुङगीइ काङ्बा ज्याजे छोल्गासुना खुङ नी तोःङ्लारा सीसीःङ्क्योक थोङ्सी ओःले खुङगीइ काङ्बा माच्या। इःनाङ थेक्या नाःङ्ला मेःराङ चीगकीइ खुङगीइ क्यामक्यामला भालाइ च्योसी, ओःले खेप चीगलारा क्यामक्यामले ठा रा छ्‍यु थेङ्सी।

“खुङगीइदी काःन्दीङ रेःकोक मेःछ्‍यागेन एः” लाःती छ्‍येइ पेज्याला प्रुःक्योक ताम छाङ्ज्युक लाःती दी ताम काःल्सी। ओःले छ्‍येइ पेज्याइ राःङ्सा ठाउँला एःन्डुबा प्रुःदी एः, “भालाइ चोक्योक मीःला खुङक्याइ तगेन एः।”

ओःले खुङ राःङगीइ क्रुस राःङगीइरा खुर्ती रीःसीलगीइ ठाउँ लाःकेन ठाउँला काःल्सी। (ओः ठाउँला हुब्रु तामला गलगाथा लाःकुए।)

थेक्याइ छेर्माङगीइ मुकुट चीग जोसी ओःले येशुइ गोला केङ्तेर्सी, ओःले खुङक्याइ बैजनी रङ्‍गगीइ क्याःल्बुइ केःङेनच्योङ्‍रा केःला खुङला केःङ्तेर्सी।