Popular Bible Verses from मट्‌टि 26

Share

डुखामि बेला हिङ्‌वाबि ऎसिखारियॆ कामानुङ् पारठाना लॆसॆ नुःर पेनानॆ। चाइबान लावा ग परःक्‍डान टर सालुङ्‌ऎ चाइ हेसुनि।”

हाङ् खोसॆ आक्‍खाचि लोसुचि, “लुङ्‌मान पक्‍बम्‍पार काम् निवाँ डुखाऎ टुःग्‍डा। आन्‍ना गुबिॽन पेनानॆ हाङ् काङा खाङ्‌ङानो।”

हाङ् खो चाइ मिःक्‍म मॆअङ् खाइमानुङ् हुहु पोप्‍मानुङ् गरहाङ् पारठाना लॆटा, “काम् आपो, नुक् हाङ्‌ग ग डुखामि खरॆ काबाङ् हाटालॆपिॽङॆ। हाङ्‌स काङाम् निवाँर हॆॽनॆ टर आनाम् निवाँर लिर।”

मान्‍ठाभनॆ ग काम् हारिमि चुप्‍लाङ् यो। हाङ् ग डिरिक् याॽमिचिम् हिङ्‌वा यङ्‌निमाम् लागि अङ्‌मि।

हाङ् खोचिऎ चामेपाइमार येसुऎ चारेपा याङु हाङ् निवाँहाङ् ओहाक् पिट्‌टु हाङ् योबु हाङ् टिङ्‌खुबाचि हाःबिसे लोसुचि, “ग लासाम्‍नॆ हाङ् चाआनॆ, ग काम् सालुङ् यो।”

हाङ् खोसॆ खरॆ सङ्‌क याङुहाङ् निवाँहाङ् ओहाक् पिट्‌टु हाङ् टिङ्‌खुबाचि पिॽमानुङ् लोसुचि, “आन्‍ना चोप्‍पसॆ गबाङ् डुङाम्‍नॆ।

हाङ् येसु आक्‍खा सुम्‍पा टिङ्‌खुबाचि चुःक्‍मिहा ठालबि ऎम्‍पका, खोसॆ आक्‍खाचि इम्‍टिखॆम्‍पा खाङ्‌टकुचि हाङ् पाट्‌रुस लोसु, “माल आन्‍ना एच्‍छक् सङ्‌क कानुङ् मापेन्‍हिसानिहा?

चाइबान कॆ आन्‍ना लोकानि, काम् आपामि हाङ्‌डाम्‍पि उम्‍चङ् गारि आन्‍नानुङ् माडुङ्‌ल ढारि कॆ फेरि आङ्‌गुरमि डिबु डुङ्‌ङानि।”

हाङ् “हेॽवा ओःक्‍माबाङ् याॽल आनॆ काङा सुम्‍चि खेपा लेनलेङानि कामानुङ् लोॽङाना” कामानुङ् येसुऎ लोमिम्‍पा खानावाँ पाट्‌रुसऎ मिट्‌टकु हाङ् बाहिरा खारा हाङ् चाइर हाःबा।

पगानॆ, खारियॆ! काङा बङ्‌सिखुबा याॽमि टाखॆडा।”

टर येसुऎ आक्‍क लोसु, “आनामि फॆया डाप्‍हङ्‌सि युक्‍सॆ। मान्‍ठाभनॆ फॆया फॆक्‍खुबाचि फेयाऎन लुक्‍खॆमि।