Popular Bible Verses from युहान्‍ना 14

Share

“काङा आन्‍नामि निवाँबि सान्‍टि वेड्‌डाकुङ। हाङ् कॆ पिॽमिम्‍पा सान्‍टि बाखाटेम्‍पिहा याॽमिचिऎ आन्‍ना पिॽहिसानिनि। मसॆ निवाँबि आचाइखॆटानॆ हाङ् आकिसिआनॆ।

हाङ् येसुऎ लोसु, “काङान एक्‍क टे लाम्‍फु, चाइबानऎ हाङ् हिङ्‌खामाङा यो। काङा मॆड्‌डिङ् आसास निवाँहाङ् आपाबि टामा हेसुचिनि।

येसुऎ खोम् टिङ्‌खुबाचि लोसुचि, “आन्‍नामि निवाँ ऎटुक्‍ल। आन्‍नॆ निवाँहाङ् नुङ् काङा सक्‍पि निवाँयुङ् लॆटानॆ।

टर काम् आपॆ आन्‍ना पाइबाक्‍माम् लागि सॆङ्‌सॆङॆ लावा पाङ्‌हाङ्‌कु। खोसॆॽन आन्‍ना चोब्‍न खानावाँ चिनुकानि। हाङ् कॆ आन्‍ना लोमिम्‍पा चोब्‍न खानावाँ मिॽलामिकानि।

हाङ् आसॆ चाइ काम् खानावाँ खेमुकुहाङ् म रक्‍न पाइ, आक्‍कसॆ चाइ काङा नाम्‍नाम् पिस्‍सिःॽङा। हाङ् आसॆ चाइ काङा नाम्‍नाम् पिसिःॽङा खो काम् आपॆ नाम्‍नाम् पिसिकु हाङ् आक्‍क कॆस नाम्‍नाम् पिसिकुङ् हाङ् आक्‍कनुङ् काङा खाङ्‌मुःॽङा।”

हाङ् काङॆ आपानुङ् ङाग्‍पिकानि हाङ् खोसॆ आन्‍ना पाइबाक्‍माम् लागि होइक मुबाक्‍खुबा पाहाङ्‌पिकानि। हाङ् खो चाइ आन्‍नानुङ् हानाम्‍स लिढाङ। आक्‍क चाइ चोब्‍न याॽमिचि चाइबानऎ लाम्‍फुबि लाम्‍ढुमिक्‍खुबा सॆङसॆङॆ लावा यो। खो बाखाटेम्‍पिहा याॽमिचिऎ खोम् खानावाँ खेमुचिनि मान्‍ठाभनॆ आक्‍क खोचिऎ खासुखाङ्‌टकुचिनि हाङ् लेसुलेसुचिनि। टर आन्‍नॆ चाइ खो लेकाम्‍नि मान्‍ठाभनॆ खो आन्‍नानुङ् पेनुक्।

हाङ् आन्‍नॆ काम् निङ्‌पि माङ् ङागुकानि हाङ्‌स, पासाबाङ् निवाँहाङ् आपामि निङ्‌लावा लिर कामानुङ् कॆ आक्‍क लॆकुङ। हाङ् आन्‍नॆ काम् निङ्‌पि माङ् ङागुकानि, म कॆ पिख्‍खानि।

“आन्‍नॆ काङा नाम्‍नाम् पिस्‍सिङाॽनि हाङ्‌ग काङॆ लोमिम्‍पा खानावाँ खेम्‍कानि।

हाङ् काम् आपामि खिम्‍पि डिरिक् पेन्‍ठाम ठाल चु। मरहॆॽनॆ हाङ्‌ग माल् कॆ आन्‍ना, आन्‍नामि लागि ठाल मुसि खॆॽमॆ पाइङा कामानुङ् लोकानिहॆ टा?

हाङ् काङा खॆःॽङाहाङ् आन्‍नामि लागि ठावाँ मुसिकुङ् हाङ् होइखेपा सङ्‌क आन्‍ना चिःक्‍सि ऎन्‍टाङा। हाङ् काङा चुःॽङॆ ठालबि आन्‍ना स लाखॆकानि मरहाङ् आन्‍ना कानुङ्‌न लिकानि।

हाङ् ठोमाऎ येसु लोसु, “पारभु, आना हाम्‍पि खॆॽमॆ पाइनॆ कामानुङ् काङ्‌कॆ लेसुङ्‌कानि। हाङ् मान्‍टक्‍ल काङ्‌कॆ लाम्‍फु लेॽमॆ?”