Popular Bible Verses from लूका 21

Share

ईंखातर जागता रेवो अर हर टेम पराथना करता रेवो। जिंऊ आण आळै टेम गै क्ळेस ऊं बचण खातर अर मिनख गै बेटै गै सांमणै खड़या होण गै लायक बण सको।

ईंखातर सावधान रेवो कठैई इंया ना होवै कै थारो मन लापरवाई अर नसै में अर ईं जीवन गी चिंतावां ऊं उदास हो'ज्यै अर बो दिन फांसी गी तरियां चाणचकै ई थारै गळै में घलज्यै।

थारी धीरजाई ही थारै प्राण नै बचागे राखैगी।

क्यूंकै बिं टेम मैं थानै हिस्यो ग्यान अर समझ दैयूंगा कै थारा बिरोधी थारी बात गो जबाब कोनी दे सकैगा।

आकास अर धरती तो टळ जिसी पण मेरी बातां कदैई टळै कोनी।

जद मिनख गो बेटो दुसर आसी बिं टेम सूरज, अर चांद अर तारा में डरावणा निसान दिखैगा अर सारी धरती गै लोगां पर भोत क्ळेस आसी। क्यूंकै बे समुंदर गै ऊथळ-पुथळ होण ऊं भोत डरज्यैगा। संसार पर आण आळै क्ळेस ऊं डरतां लोगां गो जी निकळज्यैगो क्यूंकै आकास गी सकतियां हलाइजैगी। जद बे मिनख गै बेटै नै बिंगी सकती अर मेंमा गै सागै बादळा ऊं आंता देखैगा।

थारो मेरै पर बिस्वास होण गै कारण सारा लोग थारूं बैर राखण लागज्यैगा।

अर मोटा मोटा भूकंप आवैगा, जिग्यां-जिग्यां काळ पड़ैगा अर हरेक जिग्यां महामारी पड़ैगी। अर आकास गूंजण लागज्यैगो अर मोटा-मोटा निसान आकास में दिखण लागज्यैगा।

फेर केयो, “थे लड़ाई अर दंगा होण'गी बात सुणगे घबराईयो ना। क्यूंकै ऐ बातां तो पेलां होवैगी पण बिं टेम अंत कोनी होवैगो।” फेर बण केयो कै हरेक जाती अर हरेक देस एक दूसरै गै बिरोध में खड़या होज्यैगा।

जद मिनख गो बेटो दुसर आसी बिं टेम सूरज, अर चांद अर तारा में डरावणा निसान दिखैगा अर सारी धरती गै लोगां पर भोत क्ळेस आसी। क्यूंकै बे समुंदर गै ऊथळ-पुथळ होण ऊं भोत डरज्यैगा। संसार पर आण आळै क्ळेस ऊं डरतां लोगां गो जी निकळज्यैगो क्यूंकै आकास गी सकतियां हलाइजैगी।

फेर बण केयो कै हरेक जाती अर हरेक देस एक दूसरै गै बिरोध में खड़या होज्यैगा।

यीसू बानै केयो, चोकस ऊं रेईयो अर किंगी बात में आ'गे भटक ना जाईयो, क्यूंकै भोत लोग मेरै बरगा बणगे थारै कनै आवैगा अर केसी मैं मसी हूं अर दुनियां गै अंत गो टेम आ'ग्यो है। पण थे बांगै लारै ना लागज्याईयो।