Popular Bible Verses from मत्ती 26

Share

“ङ्यि मा़हलोहबा पेहती तेह, सोल्‍वाङ ताप्‍तोङ, ओहले ङ्याहम्‍छेला माहछ्यीज्‍यु। तेहम्‍बाराङ ख्‍याया़गी सेमनी तुहक्‍पु पेहच्‍येॱलाङ ठाबे येह, यिहॱनाङ ज़ुबुगी ला़ मेहखा दु!” म़ेदी सुङ नाङसीन।

ओहले येशूगी स्‍याहप्‍च्‍यीया़ला, “ङाहगी सेम ज्‍यिबुराङ तुहङालगी काहङदी निङ फोङज्‍ये ल़ेहमुराङ काहल्‍सीन। ख्‍याया़दी देला ङ्यि मा़हलोहबा पेहती ङाहला रो़ह पेह लाङ।” म़ेदी सुङ नाङसीन।

ओहले येशू याहम्‍बी फाच्‍चीला फार फेप्‍ती साला खेप्‍चु क्‍याहप्‍ती दि ल़ेहमु सुङदी सोल्‍वाङ ताप नाङसीन, “ओ़ ङाहगी याहप, ओहङ ख़ूएँ यिहनानी दि तुहक्‍पुकी स्‍याहलु ङाहलेगी था़-रिहङबु ज़्‍या़ नाङदोङ। यिहॱनाङ दि ङाहगी सेमला ने़क्‍यो ल़ेहमु मिहम्‍बा, राहङगी थुला ठुङग्‍यो ल़ेहमु तेहन्‍दा डुप्‍च्‍यु।”

च्‍यिबेमाना दि साम्‍बा ताहम्‍ज्‍या ङाहगी ठा़, मिहगी तिहक्‍पागी तेहन्‍दाला स्‍याहल्‍ज्‍ये येह।

खुङ फ़ेबेॱया छ्ये नाङगेमु येशूगी खुरा नोम्‍दी किन्‍ज्‍योला थुज्‍यी-छ्ये़ फुल्‍दी खुरा च्‍ये नाङसीन। ओहले स्‍याहप्‍च्‍यीया़ला खुरा नाङदी दि ल़ेहमु सुङ नाङसीन, “दि लेहन्‍दी सोह, दि ङाहगी ज़ुबु यिहम्‍बा।”

ओ़ह तिङले येशूगी स्‍याहलु नोम नाङसीन ओहले किन्‍ज्‍योला थुज्‍यी-छ्ये़ फुल्‍दी स्‍याहप्‍च्‍यीया़ला नाङगेराङ सुङ नाङसीन, “दि ख्‍या थाम्‍ज्‍यीगी थुङदोङ।

येशू ज़्‍याङदी स्‍याहप्‍च्‍यीया़ येहकें ग्‍या़ला लो़हदी फेप नाङगेमु खुङया़ ङ्यि ल़ेहदी तेहक्‍यो ज़ी़ नाङसीन। ओहले येशूगी पत्रुसला, “च्‍यि ख्‍याया़ ङाहगी तेहन्‍दाला छ्युजी च्‍यी़ॱआङ ङ्यि मा़हलोहबा पेहती तेह मा़हखुबा?” म़ेदी सुङ नाङसीन।

ङाह ख्‍याया़ला माएँ, याहपगी क्‍याहल्‍सीला ङाहगी ख्‍याया़ ङ्याम्‍बु साम्‍बा पेहती मा़हथुङ थु ङाह येहपाराङ दि ज़िगे कुहन्‍डुमकी-निङगु थुङज्‍ये म़ेह।”

ओहले “च्‍याहबु क़े तेन्‍गे म़ेदी तोहङले ङाहला लेहमा सुम थु ङोह मे़हस्‍येएँ म़ेदी माज्‍ये येह,” म़ेदी येशूगी सुङ नाङग्‍यो स्‍याहल पत्रुसगी टेहम्‍बा साल्‍सीन। ओहले खो फिला काहल्‍दी ज्‍यिबुराङ सेम नाहमु पेहती ङुहसीन।

ता़ह लाहङदी डो! त़ेदोङ, ङाहला ज़ुङ च्‍य़ूगेन्‍गी मिह ओहङ सिहन्‍दी येह।”

ओहले येशूगी खोला सुङ नाङसीन, “ख्‍येगी पादाङ स्‍युपला ल़ूदोङ, च्‍यिबेमाना पादाङ थो़गे थाम्‍ज्‍यीराङ पादाङगीॱराङ सेच्‍ये येह।