Popular Bible Verses from فِلِپیّوں 3

Share

اَے میرے بھائیو اَور بہنوں! میرا یہ گمان نہیں کہ میں اُسے پاچُکا ہُوں۔ بَلکہ صِرف یہ کہہ سَکتا ہُوں: جو چیزیں پیچھے رہ گئی ہیں اُنہیں بھُول کر آگے کی چیزوں کی طرف بڑھتا جا رہا ہُوں، اَور تیزی سے نشانہ کی جانِب دَوڑا چلا جاتا ہُوں تاکہ وہ اِنعام حاصل کرلُوں جِس کے لیٔے خُدا نے مُجھے المسیؔح عیسیٰ میں اُوپر آسمان پر بُلایا ہے۔

میں یہی چاہتا ہُوں کہ المسیؔح کو اَور اُن کے جی اُٹھنے کی قُدرت کو جانوں، المسیؔح کے ساتھ دُکھوں میں شریک ہونے کا تجربہ حاصل کروں، اَور المسیؔح کی موت سے مُشابَہت پیدا کرلُوں، تاکہ کسی طرح مُردوں میں سے جی اُٹھنے کے درجہ تک جا پہنچوں۔

بَلکہ میں اَپنے خُداوؔند المسیؔح عیسیٰ کی پہچان کو اَپنی بڑی خُوبی سمجھتا ہُوں، جِن کی خاطِر میں نے دُوسری تمام چیزوں کا نُقصان اُٹھایا۔ اَور اُن چیزوں کو کُوڑا سمجھتا ہُوں، تاکہ المسیؔح کو حاصل کرلُوں

لیکن جو کچھ میرے لیٔے نفع کا باعث تھا، میں نے اُسے المسیؔح کی خاطِر نُقصان سمجھ لیا ہے۔