Popular Bible Verses from ଯୋହାନ୍ 16

Share

ଇଙ୍ଗ୍ ନେ ବାକାଣ୍ ଆପେକେ ନେୟାମେନ୍ତେ କାଜିକେଦାଇଙ୍ଗ୍ ଚି ଆପେକେ ଇଙ୍ଗ୍ଆଃ ଚେଲା ମେନ୍ତେ ଜୀଉସୁକୁ ନାମୋଃକା। ଅତେଦିଶୁମ୍ ରେ ଆପେକେ ସାସାତି ନାମୋଃ ତାନା, ମେନ୍ଦୋ ସାହାସ୍ ମାଣ୍ଡାଏପେ, ଇଙ୍ଗ୍ ଅତେଦିଶୁମ୍ କେ ଜିତାଅ କାନିଙ୍ଗ୍।”

ମେନ୍ଦୋ ଚିମ୍ତା ପାବିତାର୍ ଆତ୍ମା, ଅକନିଃ ପାର୍ମେଶ୍ଵାର୍ ବିଷାୟ୍ ରେ ସାର୍ତି କାଜିକେ ଉଦୁବ୍ ୟାଏ, ଇନିଃ ହିଜୁଗାଏ, ଏଣ୍ଡେ ଆପେକେ ସବେନ୍ ସାର୍ତି ରାଃ ହୋରା ଉଦୁବେୟାଏ, ଚିୟାଃଚି ଇନିଃ ଆୟାଃ ଆଧିକାର୍ ତେ କାଏ କାଜିୟାଏ ମେନ୍ଦୋ ଅକନାଃ ପାର୍ମେଶ୍ଵାର୍ ଏତେ ଆୟୁମ୍ ୟାଏ ଏନା କାଜିୟାଏ, ହାର୍ ହିଜୁଃ ତାନ୍ ବାକାଣ୍ କୋ ଉଦୁବେୟାଏ।

ନାଆ ସାନ୍ ଆପେ ଇଙ୍ଗ୍ଆଃ ନୁତୁମ୍ ତେ ଆବା କେ ଜାହାନାଃ ହ କାପେ ଆସିକାଦା, ଆସିପେ, ଦୋ ନାମେୟାପେ ଏନାତେ ଆପେୟାଃ ରାଶିକା ପୁରା ହୋବାଅଃୱା।”

ଏଣ୍ଡେ ହ ଇଙ୍ଗ୍ ଆପେକେ ସାର୍ତି କାଜିତାନିଙ୍ଗ୍ ଚି ଇଙ୍ଗ୍ଆଃ ସେନୋଃ ଆପେଲାଗିନ୍ତେ ବୁଗିନାଃ ତାନାଃ, ଚିୟାଃଚି ଇଙ୍ଗ୍ କାଇଙ୍ଗ୍ ସେନ୍ ରେ ହେନ୍ ସାହାଏତା ନିଈ ଆପେତାଃ କାଏ ହିଜୁଗା, ମେନ୍ଦୋ ଆଗାର୍ ଇଙ୍ଗ୍ ସେନାଇଙ୍ଗ୍, ଏଣ୍ଡେ ଆଏଃକେ ଆପେ ତାଃ କୁଲ୍ ତାଃଇଙ୍ଗ୍। ହିନିଃ ହିଜୁଃକେତେ ଅତେଦିଶୁମ୍ ରେନ୍ ହୋଡ଼ୋକୋକେ ପାପ୍ ଆଡୋଃ ଧାରାମ୍ ଆଡୋଃ ବିଚାର୍ ରାଃ ବିଷାୟ୍ ରେ କାଜିହାପାକୋୱାଏ।

ଏନ୍ ଲେକାଗି ଆପେକେ ହଗି ନାଆ ଦୁକୁ ମେନାଃ, ମେନ୍ଦୋ ଇଙ୍ଗ୍ ଆପେ ଲୋଃ ଆଡୋଃଗି ନାପାମାଇଙ୍ଗ୍ ହାର୍ତେ ଆପେ ରାଶିକାଃ ୱାପେ, ହାର୍ ଆପେୟାଃ ରାଶିକା କେ ଜାହାଁଏ ହ କାଏ ରେଏଃ ଧାଡ଼ିୟାଏ। ଏନ୍ ହୁଲାଙ୍ଗ୍ ଚିଉଲା ଆପେ ଇଙ୍ଗ୍ ଲୋଃ ନାପାମାପେ ଇଙ୍ଗ୍‍କେ ଜାହାନାଃ କାପେ କୁଲିୟା। ଇଙ୍ଗ୍ ଆପେକେ ସାର୍ତି-ସାର୍ତି କାଜିତାନିଙ୍ଗ୍, ଆଗାର୍ ଆବା କେ ଜାହାନାଃ ହ ଆସିୟାପେ, ଦୋ ହିନିଃ ଇଙ୍ଗ୍ଆଃ ନୁତୁମ୍ ତେ ଆପେକେ ଏମାପେୟାଏ।

ଇଙ୍ଗ୍ ଆପେକେ ସାର୍ତି-ସାର୍ତି କାଜିତାନିଙ୍ଗ୍ ଚି ଇଙ୍ଗ୍ଆଃ ଗୋଜୋଃ ତାୟୋମ୍ତେ ଆପେ ରାଆ ୟାପେ ହାର୍ତେ ଦୁକୁ ୱାପେ, ମେନ୍ଦୋ ଅତେଦିଶୁମ୍ ରେନ୍ ହୋଡ଼ୋକୋ ରାଶିକାଅଗାକୋ, ଆପେକେ ଦୁକୁ ନାମୋଗା, ମେନ୍ଦୋ ଆପେୟାଃ ଦୁକୁ ରାଶିକା ରେ ବାଦ୍‍ଲାଅଗା ଚିମ୍ତା ଆପେ ଇଙ୍ଗ୍‍କେ ଆଡୋଃ ମିଶା ନେଲିଙ୍ଗ୍ ୟାପେ।