Popular Bible Verses from ଯୋହାନ୍ 15

Share

ଇଙ୍ଗ୍ ଆଙ୍ଗୁର୍ ନାଡ଼ି ତାନିଙ୍ଗ୍, ଆପେ କୋତୋକୋ ତାନ୍‍ପେ। ଅକଏ ଇଙ୍ଗ୍ଆଃ ରେ ବାଇ ତାଇନୋଃୱାଏ ହାର୍ ଇଙ୍ଗ୍ ଇନିଜାଃ ରେ, ହିନିଃ ଥିମ୍ବା ଯଅ ଯୋଃୱାଏ, ଚିୟାଃଚି ଇଙ୍ଗ୍ ଏତେ ଆଲାଗ୍ ହୋବା କେତେ ଆପେ ଜାହାନାଃ ହ କାପେ ରିକା ଧାଡ଼ିୟା।

ଆପେ ଇଙ୍ଗ୍ଆଃ ରେ ବାଇକେତେ ତାଇନୋଃପେ, ହାର୍ ଇଙ୍ଗ୍ ଆପେୟାଃ ରେ। ଜେଲେକା କୋତୋ ଆଗାର୍ ଆଙ୍ଗୁର୍ ନାଡ଼ି ରେ ବାଇକେତେ କାଏ ତାଇନୋଃୱାଏ ଦୋ ଆଏଃ ଆପାନ୍ ତେ କାଏ ଯଅ ଧାଡ଼ିୟୋଃୱା, ଏନ୍ ଲେକାଗି ଆପେ କୋ ହ ଆଗାର୍ ଇଙ୍ଗ୍ଆଃ ରେ ବାଇକେତେ କାପେ ତାଇନୋଃୱା ଦୋ କାପେ ଯଅ ଧାଡ଼ିୟୋଃୱା।

ଆଗାର୍ ଆପେ ଇଙ୍ଗ୍ଆଃ ରେ ବାଇକେତେ ତାଇନୋଃୱାପେ ହାର୍ ଇଙ୍ଗ୍ଆଃ ଶିଖାଅ ଆପେ ରେ ବାଇକେତେ ତାଇନୋଃ ରେ, ଦୋ ଜାହାନାଃଗି ସାନାଙ୍ଗ୍ ୟାପେ ଆସିପେ ହାର୍ ହେନା ଆପେ ଲାଗିନ୍ ହୋବାକୋୱା।

ଆପେ ଇଙ୍ଗ୍‍କେ କାପେ ସାଲା କାଦିଙ୍ଗା ମେନ୍ଦୋ ଇଙ୍ଗ୍ ଆପେକେ ସାଲା କାଦିଙ୍ଗ୍ ଆଡୋଃ ଆପେକେ କାମି ଲାଗିନ୍ ଦୋହୋ କାପେୟାଇଙ୍ଗ୍ ଏନାତେ ଆପେ ସେନ୍‍କେତେ ଯଅ ଆଉୱେପେ, ହାର୍ ଆପେୟାଃ ଯଅ ବାଇ ତାଇନୋଃକା, ଚିୟାଃଚି ଆପେ ଇଙ୍ଗ୍ଆଃ ଚେଲା ତାନ୍‍ପେ ଆପେ ଇଙ୍ଗ୍ଆଃ ନୁତୁମ୍ ରେ ଜାହାନାଃ ହ ଆବା କେ ଆସିୟାପେ, ଇନିଃ ଏନା ଆପେକେ ଏମାପେୟାଏ।

ନେୟାତେ ମାରାଙ୍ଗ୍ ଦୁଲାଡ଼୍ ଜାହେଁୟାଃ ହ ବାନୋଃ ଚି ଜାହାଁଏ ଆଜାଃ ଗାତିକୋ ଲାଗିନ୍ ଜୀଉ ଏମେୟାଏ।

ଅକନ୍ କୋତୋ ଇଙ୍ଗ୍ଆଃ ରେ ମେନାଃ ହାର୍ କାଏ ଯଅଃ ତାନା, ଏନାକେ ଇନିଃ ମାଆ କେୟାଏ, ହାର୍ ଅକନ୍ କୋତୋ ଯଅଃ ତାନା ଏନାକେ ହିନିଃ ଛାଁଟାଅ ସାଫାୟାଏ। ଏନାମେନ୍ତେ ଚି ଆଡୋଃଗି ଯଅଃକା।

“ଇଙ୍ଗ୍ଆଃ ଆନାଚୁ ନେୟା ତାନାଃ, ଚି ଜେଲେକା ଇଙ୍ଗ୍ ଆପେ କେ ଦୁଲାଡ଼୍ କେଦାଇଙ୍ଗ୍, ଏନ୍‍ଲେକାଗି ଆପେ ହଗି ମିହୋଡ଼୍ ଏଟାଃ ନିଈ କେ ଦୁଲାଡ଼୍ ରିକାଏପେ।

ଇଙ୍ଗ୍ଆଃ ଆବା ରାଃ ମାନାରାଙ୍ଗ୍ ନେୟା ତେଗି ହୋବାଅଃୱା ଚି ଆପେ ଥିମ୍ବାଗି ଯଅ ଯୋୟୋପେ, ହୋଲେ ଦୋ ଇଙ୍ଗ୍ଆଃ ଚେଲା ବାଇୟୋଃୱାପେ।

ଇଙ୍ଗ୍ ସାର୍ତି ଆଙ୍ଗୁର୍ ନାଡ଼ି ତାନିଙ୍ଗ୍, ହାର୍ ଇଙ୍ଗ୍ଆଃ ଆବା ଚାଷି ତାନିଃ।

ଆଗାର୍ ଜେତାଏ ଇଙ୍ଗ୍ଆଃ ରେ ବାଇକେତେ କାଏ ତାଇନୋଃୱାଏ, ଏଣ୍ଡେ ଇନିଃ କୋତୋ ଲେକା ମାଆ ଦୁଡ଼ିଙ୍ଗ୍ଅଃୱାଏ, ହାର୍ ରୋହଡ଼୍ କେନୋଃ ୱାଏ, ହାର୍ ହୋଡ଼ୋକୋ ଏନାକେ ହାଲାଙ୍ଗ୍ କେତେ ସେଙ୍ଗେଲ୍ ରେ ଦୁଡ଼ିଙ୍ଗ୍ ଜୁଲ୍ ତାଃକୋ ହାର୍ ଏନାକୋ ଜୁଲ୍ କୋଃୱା।

ଇଙ୍ଗ୍ ନେ କାଜିକୋ ଆପେ କେ ଏନାମେନ୍ତେ କାଜିକେଦାଇଙ୍ଗ୍, ଚି ଇଙ୍ଗ୍ଆଃ ରାଶିକା ଆପେ ରେ ବାଇତାଇନୋଃକା, ହାର୍ ଆପେୟାଃ ରାଶିକା ପୁରା ହୋବାଅଃକା।

ଆଗାର୍ ଆପେ ଇଙ୍ଗ୍ଆଃ ଆନାଚୁ କୋକେ ମାନାତିଙ୍ଗ୍ ୟାପେ, ଏଣ୍ଡେ ଇଙ୍ଗ୍ଆଃ ଦୁଲାଡ଼୍ ରେ ବାଇକେତେ ତାଇନୋଃୱାପେ, ଜେଲେକା ଇଙ୍ଗ୍ ଆବା ରାଃ ଆନାଚୁ କୋକେ ମାନାତିଙ୍ଗ୍ କାଦାଇଙ୍ଗ୍, ହାର୍ ଆୟାଃ ଦୁଲାଡ଼୍ ରେ ବାଇକେତେ ତାଇନୋଃୱାଇଙ୍ଗ୍।

ନେ କାଜି କୋରାଃ ଆନାଚୁ ଇଙ୍ଗ୍ ଆପେକେ ଏନାମେନ୍ତେ ଏମ୍ ତାନିଙ୍ଗ୍ ଚି ଆପେ ମିହୋଡ଼୍ ଏଟାଃ ନିଈ ଲୋଃ ଦୁଲାଡ଼୍ ମାଣ୍ଡାଏପେ।”

ଆଗାର୍ ଆପେ ଅତେଦିଶୁମ୍ ରେନ୍ ହୋଡ଼ୋ ତାଇନ୍ ତେପେ, ଏଣ୍ଡେ ନେ ଅତେଦିଶୁମ୍ ରେନ୍ ହୋଡ଼ୋକୋ ଆପେକେ ଆକୋୱାଃ ହୋଡ଼ୋ ମେନ୍ତେ ଦୁଲାଡ଼୍ ତେୟାଃକୋ, ମେନ୍ଦୋ ଆପେ ନେ ଅତେଦିଶୁମ୍ ରେନ୍ ନାହାଲାପେ, ମେନ୍ଦୋ ଇଙ୍ଗ୍ ଆପେକେ ଅତେଦିଶୁମ୍ ଏତେ ସାଲା କାଃପେୟାଇଙ୍ଗ୍, ଏନାମେନ୍ତେ ଅତେଦିଶୁମ୍ ରେନ୍ ହୋଡ଼ୋକୋ ଆପେକେ ଖିସ୍ ମାଣ୍ଡାଅ ପେୟାକୋ।