Popular Bible Verses from मत्ती 24

Share

दुष्टता बहर्लक ओहोँरसे एकदोसुर जहनहे प्रेम करना छोरदिहीँ। पर जेने अपन जीवनके अन्त सम् मोरिकमे विश्वास करहीँ, परमेश्वर ओइनेहेन्हे बँचैहीँ।

और परमेश्वरके राजके यी खुशीक खबर सारा संसारमे गवाहीक लग प्रचार करजाई, ताकि सक्कु जातिनके मनै यिहिहे स्वीकार करना मौका भेटाँइत। ओकरपाछे संसारके अन्त्य हुई।”

जब तुहुरे लड़ाई और लड़ाईक हल्ला सुन्बो तब् ना डरैहो। असिन घटना हुइना जरुरी बा। पर वहे समय संसारके अन्त्य जुरतेहेँ नै हुई।

काकरेकी एकथो जातिक मनै दोसुर जातिक मनैनहे हमला करहीँ, और एकथो राज्यक मनै दोसुर राज्यक मनैनहे हमला करहीँ। ठाउँ-ठाउँमे भुँइचाल हुई, और अनिकाल परी। पर यी समय ते संकटके सुरुवात किल हो। यी जन्नीनके घनि-घनि बेथा लागल हस हुई।

आकाश और पृथ्वी नाश होजाई, पर जोन मै कनु ऊ सदादिन पलिरही।”

काकरेकी बहुत्ते जाने मोरिक नाउँमे ‘मै ख्रीष्ट हुइतुँ’ कती अइहीँ, और तमान जहनहे बहकैहीँ।

तब् तुहुरिन्के विरोध करुइया मनै तुहुरिन्हे संकटके लग सौँपदिहीँ, और तुहुरिन्हे मुवादिहीँ और मोरिकमे विश्वास कर्लक कारण सक्कु जातिक मनै तुहुरिन्के दुश्मन होजिहीँ। तब् बहुत्ते जाने मोरिकमे विश्वास करना छोरदिहीँ। और एक जाने दोसुर जहनहे विश्वासघात और घृणा करहीँ। बहुत्ते झूँटा अगमवक्तन अइहीँ, और बहुत्ते जहनहे धोखा दिहीँ।

तब् येशू ओइन्हे जवाफ देलाँ, “हौश्यार रहो, केऊ तुहुरिन्हे मूर्ख ना बनाए।

तबेकमारे तुहुरे फेन तयार रहो। काकरेकी मै, मनैयक छावा तुहुरिन्के नै सोँचल समयमे अइम।”

तबेकमारे जागल रहो, काकरेकी कोन दिन तुहुरिन्के प्रभु आई, उ तुहुरे नै जन्थो।

येशू कलाँ, “यी बात कोन दिन और कब हुई कहिके केऊ फेन नै जानत, ना ते स्वर्गदूतनके, और ना ते मै छावा। पर बाबाहे किल उ दिन और उ समय पता बतिस।

काकरेकी झूँटा ख्रीष्टहुँक्रे और झूँटा अगमवक्तन अइहीँ। ओइने चमत्कार और अचम्मक काम देखैहीँ, यहाँसम कि ओइने ओइन्हे फेन दोधारमे परहीँ। जेनहे परमेश्वर चुनल बतिन।

जब मै, मनैयक छावा अइम, तब असिन हुई जसिके नोअक समयमे हुइल रहे। काकरेकी जसिके जलप्रलयसे आघे नोआ जहाजमे पैँठ्ना दिनसम, मनै खाइतिहिँत, पिअतिहिँत और भोजव्यहा करतिहिँत। तब् जलप्रलय आके ओइन् सक्कुहुनहे स्वात्तै नै पुहाइतसम ओइने पतै नै पैलाँ। मै, मनैयक छावक आगमन फेन ओस्तेके हुई।