Popular Bible Verses from मत्ती 23

Share

जे दोसुर जहनके अगुवाई करे चाहत, उहिहे सक्कु जहनके लग नोकर हस बनके सक्कुहुनके सेवा करे परत।

जे अपनहे भारी मानी, उहिहे छुटी कराजाई और जे अपनहे छुटी मानी, उहिहे भारी बनाजाई।”

हे कपटी यहूदी कानुनके गुरु और फरिसी दलके मनै, परमेश्वर तुहुरिन्हे दण्ड दिहीँ! काकरेकी तुहुरे पुदैना, सोँप और जीरक दशांश देथो। पर न्याय, दया और विश्वास योग्यता जसिन मोशक नियम कानुनके गम्भीर विषयके वास्तै नै करथो। तुहुरे दशांश देहे परत, पर यकर संगसंगे यी महत्त्वपूर्ण बातहे फेन वास्ता करे परत।

हे कपटी यहूदी कानुनके गुरु और फरिसी दलके मनै, परमेश्वर तुहुरिन्हे दण्ड दिहीँ! काकरेकी तुहुरे असिन भाँरा जसिन हुइतो, जोन बाहेरसे भर घोत्तैल बिल्गाइत, और भित्तर भर फुहर पलिरहत। अस्तेके तुहुरे दोसुर जहनके आघे भर अपनहे धर्मी देखाइक खोज्थो, पर मनमे भर लालच और स्वार्थसे भरल रथो।

“ए यरुशलेमके मनै, ए यरुशलेमके मनै! तुहुरे जेने परमेश्वरके अगमवक्तनहे मुवैलो, और तुहुरिन्के थेन पठागिलक मनैनहे पठरालेके मरुइयन! जसिके मुर्घनिया अपन चिङनिनहे पख्नक तरे छोपके नुकाइत। ओस्तेके मै बहुत्तेचो तुहुरिन्के लरकनहे बँचाई खोज्नु, पर तुहुरे नै मन्लो।

अस्तेके तुहुरे फेन बाहेर भर मनैनके आघे धर्मी देखा पर्थो। पर भित्तर भर कपट और दुष्टतासे भरल बतो।”