Popular Bible Verses from मत्ती 15

Share

पर जोन बात मुहेँमेसे बाहेर अइथाँ, उ मनमेसे निकरथाँ। और ओइनेहेँ मनैनहे अशुद्ध बनैथाँ। काकरेकी मनमेसे खराब विचार, हत्या, दोसुर जहनके जन्नीक थेन जैना, व्यभिचार, चोरी, झूँटा गवाही और निन्दा बाहेर निकरथाँ।

ज्या मुहेँसोज जाइत, उ मनैनहे अशुद्ध नै बनाइत। पर ज्या मुहेँसोज निकरत, उ मनैनहे अशुद्ध बनाइत।”

‘यी जाति महिन्हे ढेबरलेके किल आदर करत, पर ओइन्के मन महिन्से दूर बतिन। ओइने बेकारमे मोरिक आराधना करथाँ। पर ओइन्के शिक्षा मनैनके सिखाइल नियम किल हुइतिन।’”

तब् येशू उहिहे जवाफ देलाँ, “ए नारी, तोहाँर विश्वास भारी बा। तोहाँर इच्छा करल हस तुहिन्हे होए।” ओकर छाई तब्बेहेँ चोखागिलिस।

पर उ जन्नी आके हुँकार आघे लम्पसार होके हुँकार गोरा पकरके कहे लागल, “हे प्रभु, महिन्हे सहायता करी।” येशू कलाँ, “लरकनके रोटी लेके कुकरीनहे दारदेना ठिक नै रहत।” ऊ जन्नी कहल, “हाँ प्रभु, पर कुक्कुर फेन ते अंगनामे अपन मलिक्वक बच्का खैथाँ।”