Popular Bible Verses from लूका 15

Share

“तब् उ देशहे छोरके ऊ अपन बाबक थेन फिर्ता जाइक लग निकरगिल। और ऊ दूरे रहलमे ओकर बाबई उहिहे देख्के सोग लग्लिस। और ऊ अपन छावक ओहोँर दौरल। और ऊ उहिहे उँक्वार भर पकरलेहल, और उहिहे खोब चुम्मा खैलस।

काकरेकी यी असिन रहे मानो कि मोरिक छावा मुगिल रहे, और आब जित्ती होगिल बा। यी हेरागिल रहे, और आब यी मिलगिल।’ तब् ओइने खुशियाली मनाई लग्लाँ।”

मै तुहुरिन्हे यी कहतुँ: असिके जब एकथो पापी मनैया अपन मन बदलके पाप करना छोरत, और परमेश्वरके ओहोँर घुमत। यी एकथो पापी मनैयक कारण परमेश्वर और हुँकार स्वर्गदूतनके बहुत खुशी हुइहीँ, जे अपन पाप करना जीवनहे छोरदेहत। ऊ और हुँकार स्वर्गदूतनके उ उनान्सौ धर्मी मनैनके कारण अतरा खुशी नै हुइहीँ, जेनहे अपन पाप करना जीवन छोरना जरुरी नै हुइतिन।”

मै उठ्के अपन बाबक थेन जैम, और उहिहे कहम कि, बाबा, मै परमेश्वरके विरोधमे और तोरिक नजरमे पाप करल बतुँ।

छावा उहिहे कहल, ‘बाबा मै परमेश्वरके विरोधमे और तोरिक नजरमे पाप करल बतुँ। और मै तोरिक छावा कना लायकके नै हुइतुँ।’

“तुहुरिन्मेसे कोन मनैया हुई, जेकर सौथो भेँरीनमेसे एकथो भेँरवा भुलागिल कलेसे, ऊ उनान्सौ भेँरीनहे हरियर डँरवामे चह्रत छोरके भुलाइल एकथो भेँरवाहे नै भेटाइतसम खोज्ती नै रहत का?