Popular Bible Verses from लूका 14

Share

“यदि केऊ मोरिक थेन आई और अपन दाई, बाबा, जन्नी, छाइछावन और दादू-भैया, दिदी-बाबुनसे धेउर और अपन प्राणके फेन ख्याल नै करके जबसम महिन्हे प्रेम नै करी, तबसम ऊ मोरिक चेला हुई नै सेकी।

जोन मनैया मोरिक चेला हुइलक कारण दुःख सहक लग और मुअक लग फेन तयार नै रही। ऊ मोरिक चेला हुई नै सेकी।

काकरेकी हरेक जे अपनहे भारी मानी, उहिहे छुटी कराजाई। और जे अपनहे छुटी मानी, उहिहे भारी बनाजाई।”

तबेकमारे तुहुरिन्मेसे जे अपन संग रहल सक्कु चिज नै छोरी, ऊ मोरिक चेला हुई नै सेकी।”

तुहुरिन्मेसे कौनो एक जाने धरहरा बनैना योजना बनाइत। कलेसे ऊ सक्कुहुनसे आघे बैठ्के यी बातके हिसाब करी, कि यिहिहे बनाइक लग कत्थुक खर्च लागी। और ऊ हेरी कि पूरा करक लग ओकर थेन रहल पैँसा पुगी कि नै? यदि ऊ असिक नै करी, जब ऊ जग दारी और उहिहे पूरा करे नै सेकी कलेसे, मनै असिक कहिके ओकर मजाक उराके कहिहीँ, ‘यी मनैया बनाई ते दतल रहे, पर ओरवाई नै सेकल।’

पर तुँ गरीब, लुल, नाँगर और आँधर मनैनहे खाना खाई बलाऊ। तब तुँ धन्यके हुइबो। काकरेकी ओइने तोहाँर गुन घुमाई नै सेक्हीँ। पर जब धर्मी मनै फेनदोस्रे जिउठ्हीँ ते परमेश्वर तुहुरिन्हे ईनाम दिहीँ।”

येशू कलाँ, “नोन एकथो जरुरी चिज हो। पर नोनक स्वाद चलगिल कलेसे उहिहे फेनदोस्रे कसिके नोनार बनैना ते? उ ना ते जमिनके लग ना खादके लग काम लागी। मनै उहिहे किचला दिहीँ। अस्तेके हमार संग हुई सेकत। यदि तुहुरे बुझे चहथो कलेसे, यी बातमे ध्यान देऊ कि मै अब्बे तुहुरिन्से का कनु।”