Popular Bible Verses from यूहन्ना 16

Share

मांई या गला तमे संघे ऐतकी तणी बोली कि तमा महा में शांति भेटेए। संसारा में तमा दुःख हूँदा, पर हिमत डाहा, मांई संसार जीतू दअ आसा।

पर जेबा सह सच्ची आत्मा ईहली, तेबा तमाबे सच्चाई री गला खोज़णी, किबेकि तेऊ आपणी तरफा का नांई बोलणी पर जोह कुछ शूणलअ सह बोलणा, होर ईहंण आली गला तमाबे खोज़णी।

ऐबरे तणी तमे मेरे ना का किछे नांई मांगू; मांगा, तेबा तमा भेटणा कि थारी खुशी पूरी हो।

तेबा भी तमाबे सच बोला कि मेरा नाहंणा थारी तणी ठीक साहा, अगर हाऊं नाहे तेबा साहायक तमा सेटा बे ईहंणअं; अगर हाऊं नाहलअ, तेबा तेऊ तमा सेटा बे भेज़लअ। तेऊ इछी करी संसारा रे पाप होर धार्मिकता होर न्याय रे बारे में संसार दोषी सिद्ध करनअ।

तेहू साबे तमा भी शोक साहा, पर महा तमाबे भी भेटणा कि थारे मन खुशी का भरने, होर थारी खुशी तमा का कासु भी नांई छीनणी। तेसा धियाड़ी तमा महा का किछ नांई पूछणा, हाऊं तमाबे सच-सच बोला, कि बापू का कुछ मागले, तेबा तेऊ मेरे ना का तमाबे दींणा।

हाऊं तमाबे सच-सच बोला कि तमे लेरने होर बिलाप करणा, पर संसारा खुशी मानाउणी; तमा शोक हूँणा, पर थारा शोक खुशी में बदलणा।