Popular Bible Verses from यूहन्ना 15

Share

हाऊं दाखलता साहा तमे डाली साहा। जोह महा में बणी रहन्दा होर हाऊं तेता में, बहू फल़ फलाऊंदा, किबेकी महा का अलग होई करे तमे किछे नांई करी सकते।

तमे महा में बणी रहा, होर हाऊं तमामें। हरी डाली दाखलता में बणी ना रहे तेबा नांई फल़ी सकती, तेहडे ही तमे भी अगर महा में बणी नांई रहले तेबा तमे फल़ी नांई सकते।

अगर तमे महा में बणी रहले मेरअ वचन तमामें बणी रहे, तेबा जोह चाहा मांगा होर सह तमाबे हूँणा।

तमे हाऊं नांई चुनु पर मांई तमे चुनिदे होर तमे नियुक्त करीदे कि तमे नाहीं करे फल़ आंणा होर थारअ फल़ बणी रहे, कि तमे मेरे ना का बापू का माँगले, सह तमाबे दे।

ऐताका बडा प्रेम कासी रा नांई आँधा कि कोई आपणे दोस्ता बे आपणे प्राण दे।

जोह डाली महा में साहा होर नांई फलदी, तेसा सह काटा; होर जोह फला, तेसा सह छांटा कि होर फलए।

मेरी आज्ञा यह साहा, कि हेरा माँई तमे संघे प्रेम डाहु, तेहडा तमे भी एकु दूजे संघे डाहा।

मेरे बापू री महिमा ऐसी हुँदा कि तमे बहू जैह फलाआ, तेबा ही तमे मेरे चेले हूँणे।

सच्ची दाखा री डाल़ी हाऊँ साहा, होर मेरअ बापू किसान साहा।

अगर कोई महा में बणी ना रहे, तेबा तेऊ डाली रे बराबर शोटी दिंदा, होर शुका; होर लोका त्या बटोरी करे आगि में ज़ाला, होर सह जला।

मांई या गला ऐतकी तणी बोली, कि मेरी खुशी तमामें बणी रहे, होर थारी खुशी पूरी होए।

अगर तमे मेरी आज्ञा मानले, तेबा मेरे प्रेमा में बणी रहंणे; हेरा कि मांई आपणे बापू री आज्ञा मनी, होर तेऊरे प्रेमा में बणी रहंदा।

त्याह गला री आज्ञा तमा बे ऐतकी तणी दिंदा कि तमे एकु दूजे संघे प्रेम डाहा।

अगर तमे संसारा रे हुंदे, तेबा संसारा तमा संघे प्रेम डाहंदअ; पर ऐतकी तणी कि तमे संसारा रे नांई, पर माँई तमे संसारा मेज़ा का चुनी दे आसा, ऐतकी तणी संसार तमे संघे बइर डाहंदा।