Popular Bible Verses from યોહાન 19

Share

જાંહા ઇસુહુ કડવો રસ ચાખ્યો, તાંહા આખ્યો, “જો કામ કેરા આંય આલ્લો તોઅ બાદો માયુહુ પુરો કેયો,” આને મુનકો નોમાવીને “તોઅ મોય ગીયો.”

તીયા બાદ ઇસુહુ જાંય લેદો, કા પરમેહેરુહુ જો કામ કેરા મોકલુલો, તોઅ બાદો કામ માયુહુ પુરો કેયોહો; ઈયા ખાતુર કા પવિત્રશાસ્ત્રમે જે ગોઠ લેખલી આથી, તે હાચી પોળે, તીયા ખાતુર તીયાહા આખ્યો, “માને ફાંપી લાગીહી.”

ઇસુહુ પોતા યાહકીલે આને જીયાલે તોઅ પ્રેમ કેતલો, તીયા ચેલાલે પાહી ઉબલો હીને, પોતા યાહકીલે આખ્યો, “ઓ યાહકી, આમી ઇ માંહુ, તોઅ પોયરા હોચે ગોણાય.” તાંહા ઇસુહુ તીયા ચેલાલે આખ્યો, “હેઅ, એ તોઅ યાહકી હાય” આને તીયા સમયુલે તોઅ ચેલો, ઇસુ યાહકીલે પોતા પરિવારુ લોકુ આરી રાંઅ ખાતુરે કોઅ લીઅ ગીયો.

પેન તે સૈનિક ઇસુ ક્રુસુહી આલા, તાંહા તીયાહા હેયો, કા તોઅ પેલ્લાજ મોય ગીયોહો, ઈયા ખાતુર તીયા પાગ નાય પાજ્યા. પેન સૈનિકુમેને એકાહા ઇસુ મોય ગીયોહો, કા જીવતો હાય, તોઅ હેરા ખાતુર તીયા ખુકીમે ભાલો ઠોકી હેયો, આને તુરુતુજ તીયા ખુકીમેને રોગુત આને પાંય નીગી પોળ્યા.

એ ગોઠયા ઈયા ખાતુર વીયા, કા પવિત્રશાસ્ત્રમે જો લેખલો હાય, તોઅ હાચો વી જાય, આને “તીયા એક બી આટકો કેડો નાય પાજી સેકે.” બીજા એક જાગાપે આજી પવિત્રશાસ્ત્રમે એહેકી લેખલો હાય, “જીયા તીયાલે ખુકીમે ભાલો ઠોકલો, તીયાલે તે ફાચે હેરી.”

તાંહા સૈનિક ઇસુલે લી ગીયા, આને તીયાહા ઇસુલે પોતા ક્રુસ પોતાલે ઉખલાવ્યો, આને તીયાલે યરુશાલેમ શેહેરુ બારે, “ખોપળી નાવુ જાગાપે” લી ગીયા, તીયા જાગાલે હિબ્રુ ભાષામે “ગુલગુથા” આખાહે.

આને સૈનિકુહુ કાંટા મુગુટ વીહીને, તીયા મુનકાપે થોવ્યો, આને તીયાલે જાંબલા રંગુ પોતળે પોવાવ્યે.