Popular Bible Verses from યોહાન 16

Share

માયુહુ તુમનેહે એ ગોઠયા ઈયા ખાતુર આખ્યાહા, કા તુમનેહે માઅ લીદે શાંતિ મીલે, ઈયા જગતુમે તુમુહુ હાય, તાંવ તુમનેહે દુઃખ પોળી, પેન તુમુહુ હિમત રાખજા; માયુહુ ઈયા જગતુ શૈતાનુલે હારવી દેદોહો.”

પેન જાંહા સહાયક એટલે સત્ય આત્મા આવી, તાંહા તોઅ તુમનેહે પરમેહેરુ વિશે જો સત્ય હાય તોઅ આખી, તોઅ પોતા અધિકારુકી નાય ગોગી, પેન તોઅ પરમેહેરુ વેલને ઉનાય, તોંજ આખી, આને જે વેનારી ગોઠ હાય તીયા વિશે આખી.

તુમુહુ માઅ ચેલા હાય, તીયા લીદે આમી લોગુ તુમુહુ પરમેહેર બાહકાપે કાય બી નાહ માગ્યો; માગાહા તા તુમનેહે મીલી જાય, તાંહા તુમુહુ પુરી રીતીકી ખુશીમે રેજા.

તેબી આંય તુમનેહે ખેરોજ આખુહુ, કા માઅ જાવુલો તુમા ખાતુર હારો હાય, કાહાકા આંય નાય જાંવ તા, તોઅ સહાયક એટલે પવિત્રઆત્મા, તુમાહી નાય આવે, પેન આંય જાંહે, તાંહા તીયાલે તુમાહી મોકલી દેહે. આને તોઅ આવી તાંહા જગતુ લોકુહુને પાપુ વિશે આને કેડો હકીગતુમે ધર્મી હાય તીયા વિશે, આને પરમેહેર કેડા ન્યાય કેરી તીયા વિશે, જગતુ લોકુહુને સાબિત કીને દેખાવી.

ઇયુજ રીતીકી તુમનેહે બી આમી દુઃખ તા હાયજ, પેન આંય તુમનેહે ફાચો મીલેહે, તાંહા તુમુહુ આનંદુમે રીહા; તાંહા તુમા આનંદ કેડો ઓટકાવી નાય સેકે. તીયા સમયુલે તુમુહુ માને કાયજ સવાલ ફુચી નાય સેકા; આંય તુમનેહે ખેરોજ આખુહુ, તુમુહુ માઅ ચેલા હાય, તીયા લીદે, તુમુહુ માઅ પરમેહેર બાહકાપે જો કાય બી માગાહા, તોઅ તુમનેહે આપી.

આંય તુમનેહે ખેરોજ આખુહુ; કા “આંય મોય જાહે, તાંહા તુમુહુ રોળાહા,” આને દુઃખી વેહા, પેન જગતુ લોક આનંદ કેરી: તુમનેહે દુઃખ વેરી, પેન જાંહા તુમુહુ માને ફાચો જીવતો હેહા, તાંહા તુમુહુ આનંદ કેહા.