Popular Bible Verses from Genesi 27

Share

Mʌ̃a quĩrĩã b̶ʌa Ãcõrẽba bʌ itea bajãneba cue zebi b̶aida bʌa ubʌrʌra bia zaumãrẽã. Mãwã bʌ trigora ad̶uba zauya. Bʌ uva sid̶a bia zauya. Mʌ̃a quĩrĩã b̶ʌa puruda zocãrã bʌ jʌwaed̶a b̶ead̶ida, druazabemada bʌ quĩrãpita wayaad̶eba chĩrãborod̶e cob̶ead̶ida. Mʌ̃a quĩrĩã b̶ʌa bʌra bʌ djabarã boro baida, bʌ papa warrarãda bʌ quĩrãpita chĩrãborod̶e cob̶ead̶ida. Mʌ̃a quĩrĩã b̶ʌa bʌ biẽ́ jarabʌdara biẽ́ b̶ead̶ida idjab̶a bʌ bia jarabʌdara bia b̶ead̶ida.

Maʌ̃ne Esaúba jarasia: –¡Bãrãba jãʌ̃ cũrũgabari Jacobora arid̶e trʌ̃ b̶ʌsid̶aa! ¡Idjia mʌ̃ra b̶arima umé cũrũgabʌrʌa! Mʌ̃a warra iwinaba edaida b̶ad̶ara idjia edasia. Jãʌ̃be id̶i bʌa mʌ̃ bia jara b̶ʌi bad̶ara idjia jãrĩsia.– Maʌ̃ne Esaúba wayacusa iwid̶isia: –¿Bʌa mʌ̃ sid̶a poya bia jara b̶ʌẽ́ca?

Mãwã b̶ʌd̶e dji zeza Isaba jarasia: Bʌra ẽjũã biad̶ebemada, cue zebarimabemada jĩga b̶aya. Bʌra dewara ẽberãrã ume djõ b̶aya, idjab̶a bʌ djaba jʌwaed̶a b̶aya. Baribʌrʌ bʌa ĩjã o ama b̶ebʌrʌd̶e idji jʌwaed̶a b̶ad̶ada ẽdrʌya.

Maʌ̃ne Esaúba dji zezaa b̶ia iwid̶isia: –Zeza, bʌa ¿ab̶abe idjidrʌ poya bia jara b̶ʌica? ¡Ay, zeza, mʌ̃ sid̶a bia jara b̶ʌdua!– Mãwã jara b̶ʌd̶e Esaúra bio jĩã nũmasia.