Popular Bible Verses from Genesi 25

Share

Maʌ̃ne Ãcõrẽba panusia: Bʌ b̶ited̶a warrada umé djõ panʌ bẽrã bʌra jãwã b̶ʌa. Ãdjid̶eba puruda umé odjad̶ia. Ab̶aʌda dewarabema cãyãbara mẽsrãara b̶aya. Dji nabemada dji tẽãbema jʌwaed̶a b̶aya.

Esaúba jarasia: –Mʌ̃ djuburia, bʌa lenteja purea dju b̶ʌda mʌ̃́a cobidua. Mʌ̃ra cacua ʌb̶ʌaẽ́ b̶ʌa, ne coẽ́ b̶ʌ bẽrã.– Lenteja purea b̶ʌ carea Esaúra idjab̶a trʌ̃ b̶ʌsid̶aa “Edoʌ̃.”

Isa quima Rebecara warra toca basía. Maʌ̃ carea Isaba Ãcõrẽa iwid̶isia Rebeca b̶iogoamãrẽã. Idjia iwid̶id̶ara Ãcõrẽba bia ũrĩsia. Mãwã Rebecara mĩguisoda b̶iogoa b̶esia.

Esaúba jarasia: –Mʌ̃ra jarrababa beubod̶oa. Mʌ̃da beuibʌrʌ, dadji zezad̶e edaida b̶ʌra ¿sãwã edai?– Maʌ̃ne Jacoboba jarasia: –Naãrã wãrãneba jaradua bʌa dadji zezad̶e edaida b̶ʌra mʌ̃́a diaida.– Ara maʌ̃da Esaúba wãrãneba jarasia. Mãwã dji warra iwinaba edaida b̶ʌra Esaúba Jacoboa nẽdobuesia.

Esaú tobʌrʌd̶e dji tẽãbemaba idji jĩrũgarronane jida to b̶aesia. Maʌ̃ carea idjira trʌ̃ b̶ʌsid̶aa Jacobo. Rebeca warra tosid̶e Isara sesenta poa b̶asia.

Esaúba animarã beaped̶a dji zezaa cobibadjia. Maʌ̃ bẽrã Isaba Esaúra bio quĩrĩã b̶asia. Maʌ̃ne Rebecaba biara Jacoboda quĩrĩã b̶asia.