Popular Bible Verses from Mark 5

Share

Iysa oǵan: – Qızım! Isenimiń seni qutqardı. Tınıshlıq penen bara ber, endi dártińnen azap shekpeyseń, – dedi.

Sol jerde on eki jıldan beri qan ketip awırıp júrgen bir hayal bar edi. Ol talay shıpakerlerden kóp azap shekken edi hám pútkil mal-múlkin sarplaǵan bolsa da hesh shıpa tappay, awhalı burınǵısınan beter bolǵan edi.

Sol waqıtta-aq hayaldıń qan ketiwi toqtadı hám ol denesiniń shıpa tapqanın sezdi.

Qızdıń qolınan uslap, oǵan: – Talita kumi! – dedi. Bul: «Qızım, saǵan aytaman, túrgel», – degendi bildiredi.

Ol ele usılardı aytıp turǵanda, májilisxana basshısınıń úyinen adamlar kelip: – Qızıńız óldi. Endi nege Ustazdıń tınıshın alıp tursız? – dedi. Biraq Iysa bul sózlerdi esitse de, májilisxana basshısına: – Qorqpa, tek isen, – dedi.

Óytkeni Iysa: «Háy, jawız ruwx, bul adamnan shıǵıp ket!» – degen edi. Sonda Iysa onnan: – Atıń kim? – dep soradı. Ol: – Meniń atım Úlken topar, sebebi bizler kóppiz, – dedi