Popular Bible Verses from Matta 6

Share

Eń aldı menen Qudaydıń Patshalıǵın hám Onıń haqlıǵın izleńler! Sonda bulardıń hámmesi sizlerge qosımsha etip beriledi.

Solay etip, erteńgi kún tuwralı táshiwishlenbeńler! Sebebi erteńgi kún ózi ushın ózi ǵam jeydi. Hár kúnniń óz ǵamı ózine jetedi.

– Sonlıqtan sizlerge aytatuǵınım: janıńız ushın ne iship, ne jeymiz dep, deneńiz ushın ne kiyemiz dep táshiwishlenbeńler. Jan awqattan, dene kiyimnen artıq emes pe?

Al sen duwa etkenińde bólmeńe kirip, esigińdi japqanıńnan soń, kózge kórinbeytuǵın Ákeńe duwa et! Sonda jasırınlıqtı kóriwshi Ákeń saǵan qaytaradı.

Sonlıqtan sizler bılay dep duwa etińler: Aspandaǵı Ákemiz! Seniń atıń muxaddes bola bersin. Seniń Patshalıǵıń kelsin. Aspanda orınlanǵanı sıyaqlı, Jerde de Seniń erkiń orınlansın.

Bizlerge búgin de kúndelikli nanımızdı bere gór.

Bizlerge gúna islegenlerdi keshirgenimizdey, Bizlerdiń de gúnalarımızdı keshire gór.

Bizlerdiń azǵırılıwımızǵa jol qoymay, Shaytannan qutqara gór. Sebebi Patshalıq ta, qúdiret te, ullılıq ta máńgilikke Seniki. Awmiyin.

Eger sizlerge gúna islegenlerdi keshirseńler, aspandaǵı Ákeńiz de sizlerdi keshiredi.

Aspandaǵı quslarǵa qarańlar! Olar ekpeydi de, ormaydı da, telekke jıynamaydı da, al aspandaǵı Ákeńiz olardı asıraydı. Sizler olardan anaǵurlım artıq emessizler me?

– Ózlerińizge jer betinde baylıq jıynamańlar. Bul jerde onı kúye de jeydi, tat ta basadı, urılar da buzıp kirip urlaydı. Al ózlerińizge aspanda baylıq jıynańlar. Sol jerde onı kúye de jemeydi, tat ta baspaydı, urılar da buzıp kirip urlamaydı. Óytkeni baylıǵıńız qay jerde bolsa, júregińiz de sol jerde boladı.

Hesh kim eki xojayınǵa xızmet ete almaydı. Sebebi ol birewin jek kórip, ekinshisin jaqsı kóredi yamasa birewine sadıq bolıp, ekinshisine itibarsız qaraydı. Sizler hám Qudayǵa, hám baylıqqa birdey xızmet ete almaysızlar.

Eger búgin dalada ósip turǵanı menen, erteń oshaqqa taslanatuǵın shópti Quday usılay kiyindirse, sizlerdi olardan da artıq kiyindirmes pe edi, háy, isenimi azlar!

Sen qayır-sadaqa bergenińde, oń qolıńnıń ne islegenin sol qolıń bilmesin. Sonda sen qılǵan qayırlı is jasırın boladı hám jasırınlıqtı kóriwshi Ákeń saǵan qaytaradı.

– Abaylańlar, sizler sawap islerińizdi adamlarǵa kórsetiw ushın, olardıń aldında islemeńler. Olay etseńler, sizlerge aspandaǵı Ákeńizden sıylıq bolmaydı.

– Oraza tutqanıńızda, eki júzliler sıyaqlı muńayıp júrmeńler. Olar adamlarǵa oraza tutıwshı bolıp kóriniw ushın ǵana ajarın buzıp júredi. Sizlerge shının aytaman: olar álle qashan óz sıyların alıp boldı. Sen oraza tutqanıńda, shashıńa átir may jaǵıp, betińdi juw. Solay etip, oraza tutqanıń adamlarǵa emes, al kózge kórinbeytuǵın Ákeńe kórinsin. Jasırınlıqtı kóriwshi Ákeń saǵan qaytaradı.