Popular Bible Verses from Luka 17

Share

Soń oǵan: – Ornıńnan tur da, kete ber, isenimiń seni qutqardı, – dedi.

Eger ol saǵan qarsı bir kúnniń ishinde jeti ret gúna islese, jeti ret te saǵan kelip: «Gúnamdı moyınlayman» dese, onı keshir.

Olardıń ishindegi birewi óziniń shıpa tapqanın kórip, bálent dawıs penen Qudaydı alǵıslap, qaytıp keldi de, Iysanıń ayaǵına jıǵılıp, Oǵan minnetdarshılıq bildirdi. Bul adam samariyalı edi.

Abaylı bolıńlar! Eger tuwısqanıń saǵan qarsı gúna islese, oǵan eskertiw jasa. Eger gúnasın moyınlasa, onı keshir.

Sonda Iysa: – Shıpa tapqan on adam emes pe edi? Qalǵan toǵızı qayaqta?

Iyemiz bılay dedi: – Eger isenimińiz qıshqıl tuqımınday ǵana bolsa da, bul tut aǵashına: «Tamırıń menen qoparılıp, teńizge otırǵızıl», – deseńler, ol sózińizdi tıńlaydı.

Kim de kim óz janın saqlamaqshı bolsa, onı nabıt qıladı, al kim de kim óz janın nabıt qılsa, onı saqlaydı.

Iysa Óz shákirtlerine jáne bılay dedi: – Adamlardı gúnaǵa azǵırıwshı nárselerdiń keliwi sózsiz. Biraq olar kim arqalı kelse, sol adam hásiret shegedi! Ol adamnıń mına kishkenelerdiń birewin azǵırǵanınan góre, moynına digirman tası baylanıp, teńizge taslanǵanı oǵan jaqsıraq bolar edi.

Nuxtıń zamanında qalay bolǵan bolsa, Adam Ulınıń kúnlerinde de solay boladı. Nux kemege mingen kúnge deyin adamlar iship-jedi, úylendi, turmısqa shıqtı. Sońınan topan suwı basıp, hámmeni nabıt qıldı.