Popular Bible Verses from Luka 14

Share

– Kim de kim Maǵan kelip, Meni ata-anasınan, hayalınan, balalarınan, aǵa-inisinen, apa-qarındaslarınan, hátte, óz ómirinen de artıq kórmese, ol Meniń shákirtim bola almaydı.

Kim de kim óz atanaq aǵashın arqalap, Meniń izimnen júrmese, ol Meniń shákirtim bola almaydı.

Sebebi kim de kim ózin joqarı tutsa, ol pásletiledi, kim de kim ózin pás tutsa, ol mártebeli qılınadı.

Solay etip, sizlerdiń hár birińiz ózińizge tiyisli hámme zattan waz keshpeseńiz, Meniń shákirtim bola almaysız.

Arańızdaǵı birińiz minara qurmaqshı bolsa, onı pitkeriw ushın qárejet jete me dep, aldın ala otırıp, esaplap shıqpay ma? Olay etpese, tiykarın salıp bolıp, qurıp pitkere almay qalsa, bunı kórgenler onıń ústinen kúlip: «Mına adam qurıwdı baslap, pitkere almadı», – deydi.

Kerisinshe, zıyapat bergenińde jarlı, mayıp, aqsaq hám soqırlardı shaqır. Solay etseń, sen baxıtlı bolasań. Sebebi olar saǵan qaytara almaydı. Biraq haq adamlar qayta tirilgende, Quday saǵan qaytaradı, – dedi.

Duz – jaqsı nárse. Biraq duz óz kúshin joytsa, onı qalay jáne shorlı qılıwǵa boladı? Ol topıraqqa da, qıy bolıwǵa da jaramaǵanlıqtan, sırtqa ılaqtırıp taslanadı. Qulaǵı bar adam jaqsılap esitip alsın!