Popular Bible Verses from Luka 13

Share

Sonda Iysa xalıqqa bılay dedi: – Tar qapıdan kiriwge bar kúshińizdi salıńlar! Sebebi sizlerge aytatuǵınım: kópler kiriwge tırısadı, biraq kire almaydı.

Sol jerde on segiz jıldan beri awırıw ruwxınan qıynalǵan bir hayal bar edi. Ol eki búklenip qalǵan bolıp, boyın hesh tik uslay almas edi. Iysa onı kórip, janına shaqırıp aldı da, oǵan: – Hayal, sen dártińnen azat bolasań, – dep

onıń ústine qolların qoyǵanda, hayal sol waqıtta-aq boyın tiklep, Qudayǵa alǵıslar ayta basladı.

Mine, sonda sońǵılardıń geybirewleri birinshiler, al birinshilerdiń geybirewleri sońǵılar boladı.

Úydiń Iyesi turıp qapını jawıp taslaǵanda, sizler sırtta turıp, qapını qaǵa baslap: «Iyem! Bizlerge qapını ash!» – deysizler. Biraq Ol sizlerge: «Men sizlerdi tanımayman hám qayaqtan kelgenińizdi bilmeymen», – dep juwap beredi.

Yaq, deymen sizlerge. Eger táwbe etpeseńler, hámmeńiz de usılay nabıt bolasızlar, – dedi.

Biraq Ol: «Sizlerge aytatuǵınım: Men sizlerdi tanımayman hám qayaqtan kelgenińizdi bilmeymen. Háy, jamanlıq qılıwshılardıń hámmesi Mennen awlaq ketińler!» – deydi.

Sońınan Iysa: – Qudaydıń Patshalıǵı nege uqsaydı? Onı nege megzeteyin? Ol – bir adamnıń óz baǵına ekken qıshqıl tuqımına uqsaydı. Ol ósip, terek boladı hám shaqalarına aspan qusları ushıp kelip, uya saladı, – dedi.