Popular Bible Verses from Amaculo 103

Share

Mbonge UYEHOVA, mpefumlo wam! ungalibali zonke izincedo zake

oxolela zonke inkohlakalo zako; opilisa zonke izifo zako; okulula ubomi bako ekutshabalaleni; okupahlayo ngezibele nangenceba; okolisa umlomo wako ngokulungileyo; bude ubutsha bako buhlaziywe njengobokozi.

MBONGE UYEHOVA, mpefumlo wam! nako konke okupakati kwam, libonge igama lake eliyingcwele!

Njengenceba yoyise pezu kwabantwana bake, injalo inceba KAYEHOVA pezu kwabamoyikayo.

Njengokuba kude kwelokupuma kwelanga nelokutshona, uyazibeka kude nati izigqito zetu.

UYEHOVA unenceba nofefe; uqumba kade, enobubele obuninzi.

Akenzanga kuti njengokwezono zetu; akasivuzanga njengokwenkohlakalo zetu. Ngokuba njengobude bezulu pezu kwomhlaba, bungako ubukulu bobubele bake pezu kwabamoyikayo.

UYEHOVA umisile iterone yake ezulwini; ubukumkani bake bupete pezu konke.