Popular Bible Verses from U‐Yisaya 40

Share

Ocubukileyo uyamnika amandla; nababutataka uyabandisela ubomelelo.

Abafana bocubuka badinwe, namadodana agqibele ukuwa; kanti abo bakangela KUYEHOVA bohlaziya amandla; baya kunyuka ngamapiko njengenkozi; bobaleka, bangadinwa; bohamba, bangacubuki.

Akwazanga na? akuvanga na? UTIXO ongunapakade NGUYEHOVA, umdali wamancam omhlaba; akacubuki yena, akadinwa nokudinwa; ukuqonda kwake akunakupengululwa.

Ilizwi lodandulukayo entlango: Lungisani indlela KAYEHOVA; yenzelani UTIXO wetu umendo olungeleleneyo elubala.

Inca iyoma, imbali iyabuna; kanti ilizwi LOTIXO wetu liya kuma kude kube ngunapakade.

kwakuya kutyilwa ubungcwalisa BUKAYEHOVA; luti uluntu lwonke lububone kwa kunye: ngokuba umlomo KAYEHOVA utshilo.

Zonke izihlambo ziya kupakanyiswa, nazo zonke intaba nenduli ziya kutotyelwa pantsi; okuligoso kwotiwa ntse, nendawo ezibugongxo zoba butafa

Iya kwalusa umhlambi wayo njengomalusi; imvana iya kuzibuta ezingalweni zayo, izitwale esifubeni sayo; igushakazi ezanyisayo yozitundeza.

Pakamisani ngapezulu amehlo enu, nibone, ngubanina ozidalileyo ezizinto; ovelisayo umkosi wazo ngenani; zonke ke uyazibiza ngegama; ngobuninzi bamandla ake, nobomelelo bake obukulu; akuko nanye engeko.

Nguye ohleliyo pezu kwesazinge somhlaba, obemi bawo banjengemicikwane; nguye owolulayo amazulu njengeqiya eshiceneyo, awatwabulule njengentente yokuhlala

Tetani kamnandi kwi‐Yerusaleme, nishumayele kuyo, ukuba ukulwa kwayo kuzalisekile, ukuba inkohlakalo yayo ihlaulelwe; ukuba yamkele esandleni SIKAYEHOVA ngokupindiweyo ngenxa yazo zonke izono zayo.

Ilizwi lati: Danduluka! Wayesiti: Ndiya kudanduluka nto nina? Lwonke uluntu luyinca, nabo bonke ubuhle balo bunjengembali yasendle; inca iyoma, imbali iyabuna, ngokuba umoya KAYEHOVA uvutela pezu kwayo; ngenyaniso abantu bayinca.

Bona ke, INKOSI e NGUYEHOVA iya kuza inamandla, nengalo yayo yoyipatela ubukosi; bona ke, umvuzo wayo unayo, nenzuzo yayo isebusweni bayo.

TUTUZELANI, tutuzelani abantu bam, utsho UTIXO wenu.

NGUBANINA olinganisileyo amanzi esigingqini sesandla sake; owenzele amazulu umlinganiso ngesoluko seminwe; obambileyo utuli lwomhlaba esilinganisweni; ozifakileyo intaba ezintweni zokulungelelanisa, nenduli ezintweni zokulinganisa? Ngubanina owalatisileyo umoya KAYEHOVA; ote umhlaumbi, engumcebisi wake, wamazisa? Ucebisene nobanina, ukuba amqondise, amfundise endleleni yobugwebo; umhlaumbi amfundise ukwazi, amazise indlela yokuqonda?