Popular Bible Verses from रोमी 2

Share

त ए भाई, जब तंए अईसना काम करोईया मन कर ऊपरे दोस लगाथस अऊ तंए खुद ओहीच काम करथस, त का तंए समझथस कि परमेस्वर कर नियाओ करे ले बांएच जाबे? परमेस्वर कर दया हर तोके पाप ले पछताप करे बर अगुवाई करथे; ओ बात ला बिगर समझे परमेस्वर कर दया, सहन कराई अऊ धीरज रूपी धन ला बेकार समझथस का?

तेकर ले, ए दूसर झन कर उपरे दोस लगोईया, तंए चाहे कोनो होबे, तोर जग कोई बहाना नईए! दूसर कर ऊपरे दोस लगाए कर चलते, तंए अपन आप ला दोसी ठहराथस, काबरकि तंए दूसर कर ऊपरे दोस लगाथस अऊ ओहीच बुराई कर काम तंए खुद करथस।

काबरकि परमेस्वर ककरो मूंह देखी नई करे।

काबरकि सिरीप मूसा कर कानहूंन कर जनोईया मन परमेस्वर कर आगू में बेकसूर नई ठहरें, बकिन मूसा कर कानहूंन में चलोईया मन परमेस्वर कर आगू में बेकसूर ठहरहीं।

परमेस्वर हर, हर एक मईनसे मन ला, ओमन कर काम कर अनुसार फल देही।

बकिन जेमन सिरीप अपन भलाई सोंचथें अऊ सचाई ला नई मानें, बकिन अनियाए कर पाछू चलथें, ओमन कर ऊपरे परमेस्वर कर ढेरेच बड़खा दंड परही।

बकिन तंए ढीठ हवस अऊ परमेस्वर कती फिरे बर नई करत हस। एकरे कारन परमेस्वर कर कोरोध कर दिन बर जब ओकर सही नियाओ हर परगट होही, तंए अपन बरीक परमेस्वर कर दंड ला जुटावत हस।