Popular Bible Verses from रोमी 1

Share

मंए सुघर खभेर बरीक नई लजाओं, काबरकि हर एक मईनसे जेमन एकर ऊपरे बिस्वास करथें, ओमन कर उद्धार बर एहर परमेस्वर कर सामर्थ लागे, पहिले यहूदी मन बर, तेकर गैर यहूदी मन बर।

काबरकि ए बात ला, ए सुघर खभेर हर परगट करथे कि सिरीप बिस्वास करे कर द्वारा ही, परमेस्वर हर मईनसे मन ला अपन नजर में बेकसूर समझथे, जेकस कि पबितर किताब में लिखल हवे, “धरमी मईनसे हर बिस्वास कर द्वारा जीयत रही।”

परमेस्वर कर गुन जेला हमरे अजहर ले नई देखे हन, मनेकि ओकर कभों नई सिराए वाला सक्ती अऊ ओकर ईसवरीय सुभाव ला सफा-सफा देखल गईस हवे। जब ले संसार कर सिरिस्टी होईसे, तब ले ओकर बनाल चीज मन कर द्वारा एला समझल जात हवे। एकर बर मईनसे मन जग कोई बहाना नईए।

ओमन तो परमेस्वर ला जानत रहीन, तबो ले ओमन ओला परमेस्वर माएन के ओकर लाएक बड़ाई अऊ धनबाद नई करीन, बलकि ओमन कर सोंच बिचार हर बेकार होए गईसे, अऊ ओमन कर मन जेहर बोया हवे ओहर अंधार होए गईसे।

ओमन परमेस्वर कर सचाई ला झूठ में बदेल देहींन। तेकर ले ओमन सिरिस्टी कर बनोईया ला छोंड़ के, बनावल चीज मन कर पूजा अऊ सेवा करीन। ओ सिरजनहार परमेस्वर कर बड़ाई हमेसा ले होवत आथे। आमीन।

परमेस्वर कर कोरोध हर सरग ले ओ मईनसे मन कर सब अनियाए अऊ बुराई कर ऊपरे परगट होथे, जेमन सत ला अपन बुराई कर द्वारा दबाए के राखथें।

तेकर ले परमेस्वर हर ओमन ला बेभिचार करे कर ईछा में छोंड़ देहीस। इहां तक कि ओमन कर सवांगीन मन सुभाविक सबंध ला छोंएड़ के असभाविक वासना करे लागीन। ओईसनेच सवांगोच मन सवांगीन मन कर संगे सुभाविक सबंध ला छोंएड़ के एक दूसर कर संगे कामवासना कएर के जले लागीन, सवांग मन दूसर सवांग कर संगे लाज लगाऊ सबंध बनाईन अऊ अपन ए खराब काम कर सजा खुद भोगीन। जब ओमन परमेस्वर कर सचा गियान ला पाए बर नई चाहीन, त परमेस्वर हर ओमन ला ओमन कर मुरुख बिचार में छोंड़ देहीस, ताकि ओमन बेमतलब कर काम करे लागीन, जेला नई करे बर चाही।

ओमन अपन आप ला बूईधमान समझथें, बकिन ओमन मूरुख बएन गईन हवें। ओमन तो अजर-अमर परमेस्वर कर महिमा करे कर बदले में, नासमान मईनसे अऊ चराई अऊ पसु अऊ रेंगोईया जीव-जन्तु मन कर मूरती बनाए के ओमन कर महिमा करीन।