Popular Bible Verses from मरकुस 15

Share

तीसर जुआर ईसू हर रोसे चिकेर के कहीस, “इलोई, इलोई, लमा सबकतनी?” जेकर मतलब हवे, “ए मोर परमेस्वर, ए मोर परमेस्वर, तंए मोके काबर छोंएड़ देहे हस?”

अऊ जे सुबेदार हर ओजग ठड़होए रहीस, जब ओहर ईसू ला किरलाए के परान छोंड़त देखीस, त कहीस, “फूरोंच में ए मईनसे हर परमेस्वर कर बेटा रहीस।”

त परमेस्वर कर मंदिर कर परदा हर ऊपर ले खालहे तक चीराए के दुई टुटका होए गईस।

तेकर ईसू हर रोसे किरलाए के अपन परान ला छोंईड़ देहीस।

मझेनी कर घरी में सबेच देस में अंधार छाए गईस अऊ अंधार करीबन तीसर जुआर तक रहीस।

तेकर पीलातूस हर भीड़ ला खुस करे बर बरअबा ला छोंएड़ देहीस अऊ ईसू के कोड़ा मरुवाए के कुरूस में चघाए बर सोंएप देहीस।